გვარამიას და დიანა ტრაპაიძეს, ამ ორ გარყვნილ ადამიანს პირდაპირი ინფორმაცია აქვს იმასთან დაკავშირებით, რაც ნაცმოძრაობის მხრიდან არის დაგეგმილი - კობახიძე

საქართველო, თბილისი - 18:08 | 14.09.2021
ნანახია: 229

მამუკა მდინარაძის ბრიფინგის შემდეგ, ორმა წარმომადგენელმა პარტიული ტელევიზიების, ნიკა გვარამიამ და დიანა ტრაპაიძემ გაავრცელეს გარკვეული განცხადებები, სადაც ისინი კიდევ ერთხელ ადასტურებენ, რომ მთლიანად არიან საქმის კურსში იმ ჩანაწერთან დაკავშირებით, - განაცხადა ქართული ოცნების თავჯდომარემ ირაკლი კობახიძემ.

"მოგეხსენებათ ჩავატარეთ ბრიფინგი ამასთან დაკავშირებით, მამუკა მდინარაძის ბრიფინგი და ამის შემდეგ ორმა წარმომადგენელმა პარტიული ტელევიზიების, ნიკა გვარამიამ და დიანა ტრაპაიძემ გაავრცელეს გარკვეული განცხადებები, სადაც ისინი კიდევ ერთხელ ადასტურებენ, რომ მთლიანად არიან საქმის კურსში იმ ჩანაწერთან დაკავშირებით, რომელიც უნდა გავრცელდეს ნაციონალური მოძრაობის მიერ და იქმნიან ალიბის ამასთან დაკავშირებით. ეს მათ არ გაუვათ, ამასთან დაკავშირებით საზოგადოება მათ გასცემს საკადრის პასუხს. ის ყველაფერი არის, რაც ჩვენ ვიცით, აბსოლუტურად შოკისმომგვრელი და მხოლოდ და მხოლოდ ბოლშევიკს შეიძლება მოუვიდეს აზრად, ისეთი ჩანაწერების გავრცელება, რომელზეც მათ აქვთ საუბარი. ის მესიჯები, რომელიც ჩვენ ვიხილეთ გვარამიას და დიანა ტრაპაიძის მხრიდან პირდაპირ მიანიშნებს იმაზე, რომ ამ ორ გარყვნილ ადამიანს პირდაპირი ინფორმაცია აქვს ყველაფერთან  დაკავშირებით, რაც არის ნაცმოძრაობის მხრიდან დაგეგმილი" - თქვა კობახიძემ.

მამუკა მდინარაძემ დღეს ბრიფინგზე თქვა, რომ ქართულ ოცნების ინფორმაციით, "ნაციონალური მოძრაობა" პირადი ცხოვრების ამსახველი ჩანაწერების, თუ მათი ფაბრიკაციის გავრცელებას გეგმავს.




არქივი

მოგვძებნე Facebook-ზე