პოზნერისთვის საქართველოში ყოფნის ყოველი წუთი იქნება პრობლემის წუთი - ელენე ხოშტარია

სამოქალაქო მოძრაობის დროას დამფუძნებელი ელენე ხოშტარია, რომელიც სამოქალაქო აქტივისტებთან ერთად კრემლის პროპაგანდისტის ვლადიმირ პოზნერის ვიზიტს აპროტესტებს, ამბობს, რომ საქართველოში პოზნერის დაბადების დღის საზეიმოდ აღნიშნვნა არ მოხდება.

მისი განცხადებით, პოზნერს საზოგადოება შესაბამის პასუხს გასცემს.

"ყველა ნორმალურ სახელმწიფოში ადამიანი, პუტინის სისტემის ნაწილი, რომელიც ამბობს კონკრეტულად, რომ საქართველოს ტერიტორიული მთლიანობა არ არსებობს და აფხაზეთი საქართველოსი არ იქნება, არ უნდა შემოუშვან საქართველოში და მით უმეტეს, პანდემიის დროს, კომენდანტის საათის დროს, ვერ უნდა ბედავდეს საქეიფოდ სიარულს. თუ სახელმწიფო ამ ნაბიჯს არ დგამს, საზოგადოებიდან მიიღებენ ამ პასუხს. მისი დაბადების დღე საქართველოში საზეიმო არ იქნება და მისთვის იქნება აქ ყოფნისას ყოველი წუთი იქნება პრობლემის წუთი", - აცხადებს ხოშტარია.

საქართველოში მყოფმა რუსმა პროპაგანდისტმა, ვლადიმირ პოზნერმა და მასთან მყოფმა 50-მდე ადამიანმა კაფე სტამბიდან რესტორან ვინოტელში გადაინაცვლეს. ისინი პოზნერის დაბადების დღის აღნიშვნას აპირებენ და ამავდროულად, კომენდანტის საათს არღვევენ.

ვინოტელთან აქტივისტები არიან შკრებილნი. 

ფოტო: ფორმულა