WizzAir-ი მარტის ბოლოდან ფრენებს განაახლებს

საქართველოს ეკონომიკისა და მდგრადგი განვითარების მინისტრის, ნათია თურნავას ინფორმაციით, დაბალბიუჯეტური ავიაკომპანია WizzAir-ი საქართველოში მარტის ბოლოდან განაახლებს ფრენებს.

ნათია თურნავას განცხადებით, ავიაკომპანია ქუთაისის აეროპორტიდან 20 მიმართულებით კვირაში 45 რეისს განახორციელებს.

"Wizz Air-ი, რომელიც ყოველთვის ძალიან დიდ ინტერესს იწვევს, ფრენებს მარტის ბოლოდან განახლებულ ქუთაისის საერთაშორისო აეროპორტში აახლებს და ამ მომენტისთვის არსებული ინფორმაციით, ფრენებს 20 მიმართულებით შეასრულებს, კვირაში 45 ფრენა", - განაცხადა თურნავამ მთავრობის ადმინისტრაციაში გამართულ ბრიფინგზე.