ბევრმა ყოფილმა "ქოცმა" დამიცვა საჯაროდ, ნაცმოძრაობის ყოფილი ლიდერის, გრიგოლ ვაშაძის გარდა - ნიკა მელია

საქართველო, თბილისი - 21:12 | 27.02.2021
ნანახია: 251

ყველაფრის ფონზე, სიტყვა არ დაუძრავს კაცს, რომელთანაც პირადი მეგობრობა მქონდა მთელი ამ წლების განმავლობაში. რომელიც ჩემი პარტიის ლიდერი იყო წლების განმავლობაში - გრიგოლ ვაშაძეს, - ამის შესახებ ნაციონალური მოძრაობის თავმჯდომარე წერილში წერს, რომელიც პარლამენტის წინ, აქციაზე მის მომხრეებთან ერთად ტელეკომპანია "მთავარის" დირექტორმა ნიკა გვარამიამ წაიკითხა.

ნიკა მელია წერს, რომ ქართული ოცნების ბევერმა ყოფილმა წევრმა დაიცვა, ნაციონალური მოძრაობის ყოფილი ლიდერის გრიგოლ ვაშაძის გარდა.

"გული ძალიან მწყდება იმაზე, რომ ნათია მეზვრიშვილმა, 20 ივნისის დამრბევი გახარიას მაშინდელმა მოადგილემ და გამპრავებელმა, აი, ამ ნათია მეზვრიშვილმა დამიცვა საჯაროდ. ეს ერთი მაგალითია, ბევრმა სხვა ყოფილმა "ქოცმა" დამიცვა საჯაროდ, რომ არაფერი ვთქვათ სხვებზე და საერთაშორისო თანამეგობრობაზეც.

ეს მაგალითი იმიტომ მომყავს, რომ გითხრა, რომ, აი, ამ ყველაფრის ფონზე, სიტყვა არ დაუძრავს კაცს, რომელთანაც პირადი მეგობრობა მქონდა მთელი ამ წლების განმავლობაში. რომელიც ჩემი პარტიის ლიდერი იყო წლების განმავლობაში - გრიგოლ ვაშაძეს ვგულისხმობ. ჩემს დაცვას ვინ დაეძებს, პარტია, რომელსაც წლები ხელმძღვანელობდა, პარტია, რომელმაც პრეზიდენტად წარადგინა და რომ არა მოპარული არჩევნები, აარჩევინა კიდეც საქართველოს პრეზიდენტად, აი, ამ პარტიის ცენტრალური ოფისის აღებაზე ამ კაცს ხმა არ ამოუღია. მისი პირადი კაბინეტის აღებას უყურა პირდაპირ ეთერში და ამაზე არ დაუძრავს ხმა.

მთელი საქართველო და მთელი მსოფლიო ამაზე ლაპარაკობს. ყველა, ნაცმოძრაობის ყოფილი ლიდერის, გრიგოლ ვაშაძის გარდა. ამაზე მწყდება გული, მეტი არავისზე და არაფერზე", - წერს ნიკა მელია.




არქივი

მოგვძებნე Facebook-ზე