ქუთაისი-სამტრედიის გზაზე ავარიას ახალგაზრდა მამაკაცის სიცოცხლე ემსხვერპლა

საქართველო, თბილისი - 12:31 | 24.02.2021

ნანახია: 781

ქუთაისი-სამტრედიის გზაზე ავტოსაგზაო შემთხვევას ახალგაზრდა მამაკაცი ემსხვერპლა. "ტოიოტას" მარკის ავტომობილი სამარშრუტო ტაქსის დაეჯახა. თვითმხილველების თქმით, მსუბუქი ავტომობილი ბენზინგასამართი სადგურიდან გადიოდა, ცუდი ამინდის გამო ავტომობილი ვერ შენიშნა და დაეჯახა.

ავტომობილის მძღოლი 25 წლამდე მამაკაცი ადგილზე დაიღუპა. სამარშრუტო ტაქსიში მყოფი ორი ადამიანი კი დაზიანებებით საავადმყოფოში გადაიყვანეს. ადგილზე იმყოფებოდნენ სამართალდამცველები, დაწყებულია გამოძიება.