ევროკავშირის ქვეყნების საგარეო საქმეთა მინისტრები რუსეთის წინააღმდეგ დამატებითი სანქციების მომზადების შესახებ შეთანხმდნენ

საქართველო, თბილისი - 18:57 | 22.02.2021
ნანახია: 116

ევროკავშირის წევრი ქვეყნების საგარეო საქმეთა მინისტრები რუსეთის წინააღმდეგ ოპოზიციონერ ალექსეი ნავალნის საქმესთან დაკავშირებით, დამატებითი სანქციების მომზადების შესახებ შეთანხმდნენ. ინფორმაციას დასავლური მედია წყაროებზე დაყრდნობით ავრცელებს.

შეხვედრის დროს მინისტრებს არ უმსჯელიათ იმ პირებზე ვის წინააღმდეგაც სანქციები დაწესდება.

თუმცა წყაროების ინფორმაციით, სანქციები, შესაძლოა, დაუწესდეთ რუსეთის საგამოძიებო კომიტეტის ხელმძღვანელს ალექსანდრ ბასტრიკინს, რუსეთის გვარდიის დირექტორს ვოქტორ ზოლოტოვს, გენერალურ პროკურორს იგორ კრასნოვს და სასჯელაღსრულების ფედერალური სამსახურის დირექტორს ალექსანდრ კალაშნიკოვს.

ამრიგად, საგარეო საქმეთა მინისტრებმა დაასრულეს პოლიტიკური შეთანხმება მომავალი შეზღუდვების შესახებ, რის შემდეგაც უკვე შესაძლებელი იქნება კონკრეტული სანქციების მომზადება. წყაროს თქმით, სანქციათა სია დაჩქარებული წესით შედგება.

 




არქივი

მოგვძებნე Facebook-ზე