ბერლინის კინოფესტივალის ორგანიზატორებმა საკონკურსო პროგრამა წარადგინეს

ბერლინის საერთაშორისო კონოფესტივალის ძირთადად კონკურსში 15 ფილმი მიიღებს მონაწილეობას.

„16 ქვეყნის 15 ფილმი, რომლებიც ოქროსა და ვერცხლის დათვისთვის იბრძოლებენ, აჩვენებენ თუ როგორ რეაგირებენ კინემატოგრაფისტები მიმდინარე გლობალურ ძვრებზე ფილმების დახმარებით“, - ნათაქვამია ორგანიზატორების მიერ გავრცელებულ ინფორმაციაში.

ფესტივალზე წარდგენილი იქნება ფილმები საფრანგეთიდან რუმინეთიდან, საქართველოდან, ირანიდან, გერმანიიდან, იაპონიიდან, კორეის რესპულიკიდან, უნგრეთიდან და მექსიკიდან. „ეს კონკურსი მდიდარი არ არის, მაგრან ძალიან ნაყოფიერია შინაარსითა და სტილით, - აღნიშნავენ ორგანიზატორები.

კორონავირუსთან დაკავშირებით დაწესებული შეზღუდვების გამო ფილმების ონლაინ-ჩვენება გაიმართება პროფესიონალი აუდიტორიისათვის.

ფესტივალი, რომელიც ტრადიციულად თებერვლის ბოლოს იმართება ხოლმე, წელს  ორ ეტაპად ჩატარდება: 1-5 მარტსა და 9-20 ივნისს.