ნაგვის ურნის თავზე ჩამოცმა არ ჯდება გამოხატვის თავისუფლების ფარგლებში - ნინო ლომჯარია

საქართველო, თბილისი - 20:30 | 23.01.2021
ნანახია: 482

პირისთვის ნაგვის ურნის თავზე ჩამოცმა არ ჯდება გამოხატვის თავისუფლების ფარგლებში! არ შეიძლება ძალადობის წახალისება ან გამართლება! - სახალხო დამცველი ნინო ლომჯარია სოციალურ ქსელში ეხმიანება ბათუმში მომხდარ ფაქტს, სადაც სამოქალაქო აქტივისტებმა, ოპოზიციის სიით აჭარის უმაღლეს საბჭოში შესულ დეპუტატს, თავზე ნაგავი დააყარეს.

"გამოხატვის თავისუფლებით დაცული არ არის პროტესტის გამოხატვის ისეთი ფორმა, რაც არღვევს პირის ფიზიკურ ხელშეუხებლობას და უსაფრთხოებას. პირისთვის ნაგვის ურნის თავზე ჩამოცმა არ ჯდება გამოხატვის თავისუფლების ფარგლებში! არ შეიძლება ძალადობის წახალისება ან გამართლება!" , - წერს ნინო ლომჯარია

ბათუმში, აქციაზე, „ნაციონალური მოძრაობის“ წარმომადგენლები აჭარის უმაღლესი საბჭოს დეპუტატს, ირაკლი ჩავლეიშვილს დაუპირისპირდნენ, შეურაცხყოფა მიაყენეს და თავზე ნაგავი დააყარეს.




არქივი

მოგვძებნე Facebook-ზე