ტრამპი, ვაშინგტონს, ბაიდენის ინაუგურაციის დღეს დატოვებს

საქართველო, თბილისი - 21:19 | 15.01.2021
ნანახია: 179

აშშ-ის პრეზიდენტი დონალდ ტრამპი აპირებს ვაშინგტონი არჩეული პრეზიდენტის ჯო ბაიდენის ინაუგურაციის დღეს, 20 იანვარს, დილით დატოვოს. ინფორმაციას „როიტერი“ წყაროზე დაყრდნობით ავრცელებს.

ერთი კვირის წინ ტრამპმა განაცხადა, რომ ჯო ბაიდენის ინაუგურაციას არ დაესწრებოდა. ვრცელდებოდა ინფორმაცია, რომ ის ვაშინგტონს 19 იანვარს დატოვებდა.

სააგენტოს წყაროს თანახმად, ტრამპი გეგმავს გამართოს გამოსამშვიდობებელი ღონისძიება მერილენდის შტატში,  ენდრიუს ავიაბაზაზე, სადაც ბაზირებულია აშშ-ის პრეზიდენტის თვითმფრინავები. შემდეგ კი გაემგზავრება ფლორიდაში მარ-ა-ლაგოს რეზიდენციაში.

ტრამპი მეოთხე პრეზიდენტი იქნება აშშ-ის ისტორიაში, რომელიც თავისი შემცვლელის ინაუგურაციას არ დაესწრება.

ჯოზეფ ბაიდენის ინაუგურაცია 20 იანვარს გაიმართება.




არქივი

მოგვძებნე Facebook-ზე