მე თუ რაიმე დამემართა, დედაჩემს მიხედე - რამიშვილმა პროკურატურას ბაჩალიაშვილის მიმოწერის შესახებ ინფორმაცია მიაწოდა

საქართველო, თბილისი - 18:23 | 15.01.2021
ნანახია: 960

თამარ ბაჩალიაშვილის ოჯახის ადვოკატის, მიხეილ რამიშვილის განცხადებით, მათ უწყებაში წარადგინეს ინფორმაცია, რომელიც მისივე თქმით, საქმეში ახალი ფიგურანტის გამოჩენას ეხება. რამიშვილი ამბობს, რომ მათ უწყებას მიაწოდეს თამარ ბაჩალიაშვილის მიმოწერა მის "ამ დრომდე უცნობ მეგობართან". ადვოკატი აზუსტებს, რომ ხსენებული მიმოწერა ბაჩალიაშვილსა და "მის უცნობ მეგობარს შორის" პროგრამისტის გარდაცვალებამდე ცოტა ხნით ადრე შედგა.

"საჩივარს თან დაერთო ახალი სქრინი. ეს მიუთითებს, რომ საქმე არაობიექტურად გამოიძიეს. ვითომ ამოიღეს გარკვეული ინფორმაციები და მიწერ-მოწერებ - ეს ყველაფერი ტყუილია. არანაირი თვითმკვლელობა არ ყოფილა, ეს არის ფარსი", - ამბობს მიხეილ რამივილი.

რაც შეეხება უშუალოდ მიმოწერას ის შემდეგი შინაარსის არის:

ბაჩალიაშვილი: "ჩემო დაიკუნა ერთი თხოვნა მექნება მე თუ რაიმე დამემართა დედაჩემს გვერდით დაუდექი და შენ მიხედე, წავშლი შენ sms-ებს, არ მინდა გაიგონ რომ მიცნობ და საფრთხეში ჩაგაგდო"

უცნობი პირი: "არა, შენ არაფერი მოგივა თამო, მაგრამ მაინც გპირდები"

ბაჩალიაშვილი: "მადლობა, მიყვარხარ"

უცნობი პირი: "მეც".

ამასთან, 23 წლის პროგრამისტის ოჯახი პროკურატურის გადაწყვეტილებას ასაჩივრებს. საქმე ეხება გამოძიების შეწყვეტას და ჯუმბერ ბაჩალიაშვილისთვის დაზარალებულის უფლებამონაცვლის სტატუსის გაუქმებას.

23 წლის თამარ ბაჩალიაშვილი 5-დღიანი ძებნის შემდეგ თეთრიწყაროს მუნიციპალიტეტის ტყეში გარდაცვლილი იპოვეს. რამდენიმეთვიანი გამოძიების შემდეგ პროკურატურამ დაადდინა, რომ ბაჩალიაშვილმა სიცოცხლე თვითმკვლელობით დაასრულა და საქმე დახურა.


პოლიტიკა



არქივი

მოგვძებნე Facebook-ზე