ტატო გრიგალაშვილმა დოჰას მასტერსი მოიგო

საქართველო, თბილისი - 21:47 | 12.01.2021
ნანახია: 163

ტატო გრიგალაშვილმა დოჰას მასტერსი მოიგო. 81 კგ წონითი კატეგორიის ფინალში ქართველმა ძიუდოისტმა ნიდერლანდელ ფრანკ დე ვიტს იპონით მოუგო და ოქროს მედალი მოიპოვა.

გრიგალაშვილმა ფინალამდე უნგრელი ატილა უნგვარი, იტალიელი ანტონიო ესპოზიტო, რუსი ალან ხუბეცოვი დაამარცხა, ნახევარფინალში კი სამხრეთკორეელ ლინჰო ლისთან ჯერ ვაზარით დაწინაურდა, ბოლო წამზე კი იპონით გაიმარჯვა.

ხვალ 6 ქართველი ძიუდოისტი ისაპარეზებს. 90 კგ წონით კატეგორიაში ბექა ღვინიაშვილი და ლაშა ბექაური, 100 კგ წონით კატეგორიაში კი ვალერი ლიპარტელიანი და მძიმე წონაში გურამ თუშიშვილი, ლევან მატიაშვილი და გელა ზაალიშვილი იჭიდავებს.




არქივი

მოგვძებნე Facebook-ზე