გაეროში პროგნოზირებენ, რომ 2021 წელი კატასტროფული იქნება

საქართველო, თბილისი - 20:48 | 04.12.2020
ნანახია: 728

მსოფლიო რისკავს 2021 წელს ბოლო 75 წლის განმავლობაში უმძიმეს ჰუმანიტარულ კრიზისს შეეჯახოს, თუ ქვეყნები საჭირო დაფინანსებას არ გამოყოფენ. ამის შესახებ გაეროს მსოფლიო სასურსათო პროგრამის აღმასრულებელმა დირექტორმა დევიდ ბიზლიმ განაცხადა.

მან აღნიშნა, რომ ბოლო ოთხი წლის განმავლობაში ძირითადად შეიარაღებული კონფლიქტების გამო ადამიანთა რაოდენობა, რომლებიც შიმშილის ზღვარზე იმყოფებოდნენ, 80- დან 135 მილიონამდე გაიზარდა.

 „COVID-19-ის გამო ადამიანთა რაოდენობა, რომლებიც ფაქტობრივად, შიმშილისგან სიკვიდილის წინაშე დგანან, 135-დან 270 მილიონამდე გაიზარდა“, - თქვა ბიზლიმ გაეროს გენერალური ასამბლეის სპეციალურ სხდომაზე, რომელსც COVID-19-თან ბრძოლას ეძღვნებოდა.

ბიზლი ამბობს, დღევანდელი მძიმე მდგომარეობიდან გამომდინარე,  2021 წელი ფაქტობრივად კატასტროფული იქნება.

 „რადგან ჩვენ უკვე დავხარჯეთ 19 მლნ დოლარი, ეს თანხა შესაძლოა აღარ იყოს, უფრო სწორად აღარ იქნება 2021 წელს. ეკონომიკა დაეცა, მოთხოვნილება კი გაორმაგებულია“, - აღნიშნა მან.

ბიზლი ამბობს, რომ გაერთიანებული ერების ორგანიზაციის დაფუძნების დღიდან, 2021 სერიოზული ჰუმანიტარული კრიზისის წელი იქნება.

თუმცა მისი თქმით, თუ საჭირო სახსრების შეგროვება მოხერხდება, მსოფლიო დესტაბილიზაციას, შიმშილსა და მიგრაციას აღარ უნდა ელოდოს. მან აღნიშნა, რომ თუ ფინანსები ამ  პრობლემებისადმი იქნება მიმართული, მსოფლიო 2021 წელს გადაიტანს.

 

 




არქივი

მოგვძებნე Facebook-ზე