გრიგოლ ვაშაძეს დღეს სხვა შეხვედრები ჰქონდა და ამიტომ არ იყო ელჩებთან - კობა ნაყოფია

საქართველო, თბილისი - 18:39 | 04.12.2020
ნანახია: 187

„ნაციონალური მოძრაობის“ წევრმა, კობა ნაყოფიამ ფასილიტატორ ელჩებთან შეხვედრის შემდეგ განაცხადა, რომ გრიგოლ ვაშაძე იზიარებს პარტიის ყველა პოზიციას.
მისი თქმით, გრიგოლ ვაშაძე აღნიშნულ შეხვედრაზე არ იმყოფებოდა, რადგან სხვა შეხვედრები ჰქონდა.

„ბატონ გრიგოლს ჰქონდა დაგეგმილი სხვა შეხვედრები სხვა საელჩოებთან, შემდეგ რაუნდზე მას იხილავთ. ყველაფერი, რაც დღეს ელჩებს გადაეცათ არის სრულიად შეთანხმებული ყველა პარტიასთან. დღეს პოლიტსაბჭოზეც იყო ამ წინადადებების განხილვა, ერთხმად დადასტურდა ეს ყველაფერი. გარწმუნებთ, გრიგოლ ვაშაძე არათუ საქმის კურსშია, არამედ მონაწილეობდა მასში. დღეს მას ჰქონდა შეხვედრები. გრიგოლ ვაშაძე იზიარებს ყველა იმ პოზიციას, რასაც იზიარებს პარტია. ის გახლავთ პარტიის თავმჯდომარე. მე მის გარეშე არც მაქვს უფლება სხვა წინადადებით მოვიდე“, – განაცხადა ნაყოფიამ.
ოპოზიციური პარტიები დღეს, 4 დეკემბერს ფასილიტატორ ელჩებს შეხვდნენ.




არქივი

მოგვძებნე Facebook-ზე