რუსეთის მხარეს მოვუწოდებთ თავი შეიკავოს მცდარი ინფორმაციის გავრცელებისაგან - საგარეო უწყება
საქართველო, თბილისი - 19:34 | 28.11.2020 ნანახია: 174
საქართველოს საგარეო საქმეთა სამინისტრო ეხმიანება რუსეთის საგარეო უწყების განცხადებას, რომელიც ზურაბ აბაშიძისა და გრიგორი კარასინის გუშინდელი შეხვედრის შემდეგ გავრცელდა.
"საქართველოს საგარეო საქმეთა სამინისტრო როგორც წესი თავს იკავებს ე.წ. აბაშიძე-კარასინის ფორმატში გამართული შეხვედრების კომენტირებისაგან, მათ შორის იმ მიზეზით, რომ ფორმატი თავისი ხასიათით არაფორმალურია და მის ფარგლებში განიხილება ეკონომიკური და ჰუმანიტარული პრობლემატიკა. მიუხედავად იმისა, რომ შეხვედრების დასაწყისში მხარეები აფიქსირებენ პოზიციებს სხვადასახვა აქტუალურ თემებზე, მათი განხილვა ან მით უმეტეს მოლაპარაკება არ მიმდინარეობს.
მორიგი შეხვედრის დასრულებისთანავე, რომელიც ვიდე-ტელე კონფერენციის ფორმატში 27 ნოემბერს გაიმართა, ბატონმა ზურაბ აბაშიძემ დაწვრილებითი პრეს-რელიზი გაავრცელა განხილულ საკითხებთან დაკავშირებით, რასაც სამწუხაროდ მოყვა რუსეთის საგარეო საქმეთა სამინისტროს მიერ მომზადებული ინფორმაცია პრესისათვის, რომელიც შესაძლოა ასახავს რუსეთის მხარის მიდგომებს ამა თუ იმ საკითხის მიმართ, მაგრამ ერთმნიშვნელოვნად არ ასახავს შემდგარი შეხვედრის შინაარსს და საუბრის თემატიკას.
კერძოდ, ხაზგასმით უნდა აღინიშნოს, რომ საუბრისას არ განხილულა „კოვიდ 19“ ვაქცინის საკითხი, ისევე როგორც 2019 წლის ივნისის მოვლენები და მით უმეტეს არ "დადასტურებულა ორმხრივი განწყობა ანტირუსული პროვოკაციის შედეგების გადალახვაზე".
ეს არ არის პირველი შემთხვევა, როდესაც რუსეთის მხრიდან ადგილი აქვს მცდარი ინფორმაციის გავრცელებას და თავისი შინაარსითა და მოწოდებით არაფორმალური, ეკონომიკური და ჰუმანიტარული ფორმატის პოლიტიკური მიზნებისა და პროპაგანდისათვის გამოყენებას.
რაც შეეხება პოლიტიკურ თემატიკას, მათ შორის ოკუპირებულ ტერიტორიებზე არსებულ ურთულეს ვითარებას, როგორც უსაფრთხოების, ასევე რაც განსაკუთრებით შემაშფოთებელია, ჰუმანიტარული კუთხით, მისი განხილვა და პოზიციების დაფიქსირება ხდება ჟენევის საერთაშორისო მოლაპარაკებებზე, რომელიც წარმოადგენს ერთადერთ ფორმატს, სადაც, ევროკავშირის, ეუთო-ს, გაერო-ს თანათავმჯდომარეობითა და ჩვენი მოკავშირის აშშ-ს მონაწილეობით, შესაძლებელია ამ უმნიშვნელოვანეს საკითხებზე საუბარი.
შესაბამისად, რუსეთის მხარეს მოვუწოდებთ თავი შეიკავოს მცდარი ინფორმაციის გავრცელებისაგან და თავისი პოზიციები დააფიქსიროს ამისათვის განკუთვნილ ადგილზე - ჟენევის საერთაშორისო მოლაპარაკებების ფარგლებში, სადაც ქართული მხარისაგან მიიღებს შესაფერის პასუხს.
აღვნიშნავთ ასევე, რომ ჟენევის მორიგი რაუნდი, არაერთგზის გადადების შემდეგ, დაგეგმილია 10-11 დეკემბერს".
შეგახსენებთ, საუბარია რუსეთის საგარეო საქმეთა სამინისტროს განცხადებაზე, რომელიც ზურაბ აბაშიძისა და გრიგორი კარასინის შეხვედრის შემდეგ, გავრცელდა.
რუსეთის საგარეო უწყების განცხადებაში ნათქვამია, რომ შეხვედრაზე მხარეების მიერ "დადასტურდა ორმხრივი განწყობა 2019 წელს მომხდარი ცნობილი ანტირუსული პროვოკაციის უარყოფითი შედეგების აღმოსაფხვრელად, რომელიც ქართველმა ნაციონალისტებმა მოაწყვეს".
განცხადებაში ასევე ვკითხულობთ, რომ "წინასაარჩევნო კამპანიის დროს რადიკალური წრეების მიერ აქტიურად გაჟღერებული რუსოფობიური რიტორიკა წარსულს ჩაბარდება".
რუსეთს საგარეო უწყების განცხადებას გამოეხმაურა ზურაბ აბაშიძეც, რომელმაც განაცხადა, რომ კარასინთან შეხვედრაზე 20 ივნისის მოვლენები ნახსენები საერთოდ არ ყოფილა და ეს რუსული მხარის ინტერპრეტაციაა.
ზურაბ აბაშიძესა და კარასინს შორის შეხვედრა გუშინ, ონლაინფორმატში ჩატარდა.
პოლიტიკა
- ვახო სანაიაზე თავდასხმა თავისუფლების წინააღმდეგ ბრძოლის გამოვლინებაა - ბოკერია
- საქართველოში მელიას დაპატიმრების შემდეგ პოლიტიკური პოლარიზაცია უფრო მეტად გაღრმავდა.მოვუწოდებთ ყველა მხარეს, გააძლიერონ სიტუაციის დეესკალაციისკენ მიმართული ძალისხმევა - ევროკავშირი
- ვიცე-პრემიერებად დავით ზალკანიანი და ივანე მაჭავარიანი დაინიშნენ
- იმედგაცრუებული ვარ, როდესაც ვხედავ საქართველოში დემოკრატიის უკუსვლას - სენატორი მენენდესი
სამართალი
- "ფორმულას" ტელეწამყვან ვახო სანაიას თავს დაესხნენ - დაკავებულია 3 პირი
- ნიკა მელიას ადვოკატებმა თბილისის საქალაქო სასამართლოს გადაწყვეტილება სააპელაციო სასამართლოში გაასაჩივრეს
- ქუთაისი-სამტრედიის გზაზე ავარიას ახალგაზრდა მამაკაცის სიცოცხლე ემსხვერპლა
- პოლიციამ სპეციალური ქიმიური საშუალებები კანონის დარღვევით გამოიყენა - საია
ეკონომიკა
- საქართველოს ფოსტის სერვისი - "სახლიდან სახლში"
- „თეგეტა თრაქ ენდ ბასი“ MAN-ის ბრენდის სატვირთო ავტომობილებზე შიდა 0%-იან განვადებას აანონსებს
- აქტიურად ვმუშაობთ, რომ ტურიზმი ფეხზე დროულად წამოდგეს - ნათია თურნავა
- „საქართველოს ფოსტა“ და კოვიდ-19-ის გავრცელების პრევენციის ხელშეწყობისა და მოქალაქეების მხარდაჭერის მიზნით კომპანიის მიერ დანერგილი სერვისები და პროდუქტები
კულტურა
- მომღერალი ზურა დოიჯაშვილი გარდაიცვალა
- ბერლინის კინოფესტივალის ორგანიზატორებმა საკონკურსო პროგრამა წარადგინეს
- 30-წლიანი პაუზის შემდეგ, ბერლინის კინოფესტივალის მთავარ კონკურსში ქართული სრულმეტრაჟიანი ფილმი იქნება წარმოდგენილი
- "ფორსაჟი 9"-ის პრემიერა, რომლის რამდენიმე სცენა საქართველოში გადაიღეს, 2 აპრილს გაიმართება
მედიცინა
- ვაქცინაციისთვის 50 000 შპრიცი უკვე საქართველოშია - ჯანდაცვის სამინისტრო
- Pfizer-მა და BioNTech-მა ევროპის სამედიცინო სააგენტოს მიმართეს ვაქცინის დამტკიცების თხოვნით
- მესამე ტალღას არ გამოვრიცხავთ - ეკატერინე ტიკარაძე
- Moderna-ს კორონავირუსის საწინააღმდეგო ვაქცინამ 95%-იანი ეფექტურობა აჩვენა - წინასწარი მონაცემები
ბიზნესი
- სულ ახალი ბიზნეს მობილბანკი საქართველოს ბანკისგან
- JCB-იმ, 55 კვტ სიმძლავრის ექსკავატორ-დამტვირთველის ახალი მოდელი, 3CX წარმოადგინა
- „პორშე ცენტრი თბილისის“ კამპანია “Soul” პორშეს საერთაშორისო კონკურსის PRI-ის გამარჯვებულთა შორისაა
- „ვოლვო ქარსის“ გაყიდვების რეკორდული მაჩვენებელი 2020 წლის მეორე ნახევარში დაფიქსირდა
თავდაცვა
- გაგრძელდება მოქმედება - მეტი ნატო საქართველოში და მეტი საქართველო ნატოში - ჯუანშერ ბურჭულაძე
- თავდაცვის სამინისტროს სპეციალური ოპერაციების ძალებს ახალი აღჭურვილობა გადაეცა
- 41-ე ბატალიონის სამხედრო მოსამსახურეები გერმანიაში Combined Resolve XV სწავლებაში მონაწილეობის მისაღებად გაემგზავრნენ
- საქართველოს ტერიტორიულ წყლებში ამერიკული სამხედრო ხომალდი "დონალდ კუკი" შემოვიდა