შეიარაღებულმა ტერორისტმა „საქართველოს ბანკის“ შენობა სამ მძევალთან ერთად დატოვა

საქართველო, თბილისი - 23:22 | 21.10.2020
ნანახია: 136

ხელყუმბარით შეიარაღებულმა ტერორისტმა ზუგდიდში, „საქართველოს ბანკის“ შენობა სავარაუდოდ სამ მძევალთან ერთად დატოვა.

ერთ-ერთი განთავისუფლებული მძევლის, ირაკლი კვარაცხელიას ცნობით, პოლიციელებმა თავდამსმხელს ფული მოუტანეს, რის შემდეგაც მან, სამართალდამცველებთან და მძევლებთან ერთად საქართველოს ბანკის ოფისი დატოვა.

გავრცელებულ კადრებში ჩანს, როგორ მივიდა თავდასხმის ადგილზე საინკასაციო მანქანა. კადრებში ასევე ჩანს, რომ შენობიდან გამოსვლისას თავდამსხმელს ხელში გახსნილი ხელყუმბარა ეჭირა.

3 მძევლის გარდა, სხვა მძევლები გათავისუფლებულები არიან. ისინი დასაკითხად პოლიციის სამმართველოში გადაიყვანეს. ამ დრომდე უცნობია, რა მიმართულებით წავიდა ავტომობილი.

ზუგდიდში, „საქართველოს ბანკის“ შენობაში შეიარაღებული პირი დღეს შეიჭრა და მძევლები აიყვანა. თავდამსხმელს სულ 19 მძევალი ჰყავდა აყვანილი. თავმდამსხმელი მძევლების გათავისუფლების სანაცვლოდ, 500 000 დოლარს ითხოვდა.

შინაგან საქმეთა სამინისტრომ მომხდარზე გამოძიება 179-ე, 236-ე და 144-ე მუხლებით დაიწყო, რაც ყაჩაღობას, იარაღის უკანონო შეძენა-შენახვა-ტარებას და მძევლად აყვანას გულისხმობს.

ფოტო: მთავარი არხი




არქივი

მოგვძებნე Facebook-ზე