განგაშის ოთხდონიანი სისტემის მიხედვით საქართველო ყვითელ ზონაშია - თამარ გაბუნია

საქართველო, თბილისი - 19:44 | 26.09.2020
ნანახია: 92

საქართველოს ჯანდაცვის მინისტრის მოადგილის, თამარ გაბუნიას მტკიცებით, ბოლო დროს კორონავირუსის შემთხვევების ზრდის მიუხედავად, საქართველო მაინც მინარჩუნებს დაბალი რისკის ქვეყნის სტატუსს. ამის შესახებ გაბუნიამ საქართველოს პირველ არხს განუცხადა.

"საშუალო გლობალური მაჩვენებელი ინციდენტობისა, ანუ ახალი შემთხვევების დღევანდელი პირობით არის დაახლოებით 19/100 000- ზე, ცხრამეტის ქვემოთ ქვეყნები ითვლება, რომ არის დაბალი რისკის ქვეყნები, ცხრამეტის ზემოთ კი მიიჩნევა, რომ არის მაღალი რისკის ქვეყნები. ჩვენი დღევანდელი ინციდენტობის მაჩვენებლით, საქართველო არის 5.5, რაც არის დასაწყისი ამ გრადაციისა, ანუ ჩვენ ამას ვაფასებთ, როგორც მუქი მწვანე ზონა ჩვენი რისკების შეფასების სისტემაში. ამდენად, მიუხედავად იმისა, რომ ბოლო პერიოდში შემთხვევების მატება აღინიშნებოდა, საქართველო მაინც ინარჩუნებს დაბალი რისკის ქვეყნის სტატუსს", - აცხადებს გაბუნია.

მისივე თქმით, განგაშის ოთხდონიანი სისტემის მიხედვით საქართველო ყვითელ ზონაშია, რაც მომსახურების ნაწილის დისტანციურ რეჟიმზე გადასვლას ითვალისწინებს

"რაც შეეხება საქართველოს განგაშის ოთხდონიან სისტემას, აქ საქართველო 5.5 ნიშნულით უკვე ყვითელ ზონაში ხვდება, რადგან მწვანე დონე ასი ათას მოსახლეზე ხუთამდე შემთხვევას ითვალისწინებს. 5.2 შემთხვევიდან ქვეყანა უკვე ყვითელ ზონაში გადასულად მიიჩნევა, რაც ნიშნავს იმას, რომ მომსახურებების ნაწილი დისტანციურ რეჟიმზე უნდა გადავიდეს", – აღნიშნა თამარ გაბუნიამ.




არქივი

მოგვძებნე Facebook-ზე