ძლიერმა სეტყვამ და წვიმამ ლაგოდეხის მუნიციპალიტეტი დააზარალა

სტიქიამ ლაგოდეხის მუნიციპალიტეტში პრობლემები შექმნა. ძლიერმა წვიმამ, სეტყვამ და ქარმა სოფელ მსხალგორში ადგილობრივები დააზარალა.

მოსახლეობა მომხდარის მიზეზად სანიაღვრე არხების მოუწესრიგებლობას ასახელებენ და პასუხისმგებლობას ხელისუფლებას აკისრებენ. მუნიციპალიტეტის მერი კი აღნიშნულ მიზეზს შეუსაბამოდ მიიჩნევს.

ადგილობრივები დილიდან ზარალს ითვლიან. გსტიქიამ ძირითადად სოფელები დააზარალა. ათეულობით ოჯახი მოსავლის გარეშეა დარჩენილი.

მოსახლეობის ინფორმაციით, ძლიერმა წვიმამ, სეტყვამ და ქარმა, სრულად გაანადგურა ვენახები და ბოსტნეული.

ასევე, უხვი ნალექის შედეგად დაიტბორა საცხოვრებელი სახლების პირველი სართულები და განადგურდა ავეჯი, დაიხოცა შინაური ფრინველი.

ადგილობრივ ხელისუფლებაში აცხადებენ, რომ სტიქიის ზონაში მთელი ღამის განმავლობაში ყველა შესაბამისი სამსახური იყო მობილიზებული. მუნიციპალიტეტის მერის განმარტებით, ზარალს, აღწერის შემდეგ განიხილავენ.