სომხეთი, აზერბაიჯანის საზღვარზე ორი სამხედროს დაღუპვას ადასტურებს

საქართველო, თბილისი - 16:04 | 14.07.2020
ნანახია: 499

სომხეთის თავდაცვის სამინისტრო აზერბაიჯანის საზღვარზე შეიარაღებული დაპირისპირების შედეგად ორი ოფიცრის დაღუპვას ადასტურებს.

 „სროლის შედეგად, სომხეთ-აზერბაიჯანია სახელმწიფო საზღვრის ჩრდილო-აღმოსავლეთ მონაკვეთზე მოწინააღმდეგის მხრიდან სროლის შედეგად დაიღუპა მაიორი გარუშ ამბარცუმიანი და კაპიტანი სოს ელბაქიანი“, - დაწერა უწყების პრესმდივანმა შუშან სტეპანიანმა „ფეისბუქზე“.

12 ივლისს, შეიარაღებული დაპირისპირება მოხდა სომხეთსა და აზერბაიჯანის საზღავრზე, თოვუზის რაიონში.

აზერბაიჯანის თავდაცვის სამინისტრომ განაცხადა, რომ სომეხმა სამხედროებმა მის პოზიციებს ცეცხლი გაუხსნეს.

სომხეთის თავდაცვის სამინისტრომ თავის მხრივ განაცხადა, რომ აზერბაიჯანელი სამხედროები არტილერიის გამოყენებით სომხური პუნქტის დაკავებას შეეცადნენ.

ბაქოს ინფორმაციით, დაიღუპა ოთხი აზერბაიჯანელი სამხედრო. სომხური მხარე კი მხოლოდ ორიდაჭრილის შესახებ ავრცელდებდა ინფორმაციას.  

აზერბაიჯანი და სომხეთი სიტუაციის გამწვავებაში ერთმანეთს ადანაშაულებენ.

 

 


პოლიტიკა



არქივი

მოგვძებნე Facebook-ზე