ხელისუფლების ამოცანა უნდა იყოს, საოკუპაციო ზოლზე მომხდარ ყველა დანაშაულში მონაწილე პირთა დასჯა - გიგი წერეთელი

ხელისუფლების ამოცანა უნდა იყოს, საოკუპაციო ზოლზე მომხდარ ყველა დანაშაულში მონაწილე პირთა დასჯა, - აცხადებს ეუთოს საპარლამენტო ასამბლეის პრეზიდენტი, გიგი წერეთელი.

მისი თქმით, კიდევ ერთი ძალიან საგანგაშო ფაქტია, როდესაც საქართველოს მოქალაქეს უკვე მერამდენედ იტაცებენ საქართველოს კონტროლირებადი ტერიტორიიდან და ამჯერად, კიდევ უფრო მძიმეა ვითარება რადან მოქალაქე არის დაჭრილი.

„ეს ვითარება აბსოლუტურად მიუღებელი და მოუთმენელია, მაგრამ ეს ასე გაგრძელდება თუარ იქნა გაცილებით უფრო ქმედითი ზომები ხელისუფლების მხრიდან გადადგმული, მისთვის, რომ საერთაშორისო ორგანიზაციების ინფორმირება აუცილებელია, რასაც უმეტესად მოყვება განცხადებები, მაგრამ ხშირ შემთხვევაში ამის იქეთ საქმე არ მიდის. რაც აძლევს დეფაქტო ხელისუფლებას და მათ მხარდამჭერებს რუსეთში, რომ გააგრძელონ ამგვარი პოლიტიკა, რადგან არავის სანქცირება არ ხდება, არავის დასჯა არ ხდება და წინა პერიოდში მომხდარი დანაშაულებისთვისაც არავის პასუხი არ ჯერჯერობით არ უგია. ამიტომ, ეს არის ახლა მისახედი საქმე და აქ ძალიან სერიოზული მოქმედებები და ღონისძიებებია გასატარებელი თუკი ეს ხელისუფლებას შეუძლია. სხვა შემთხვევაში ვიქნებით ხშირად ამგვარი ფაქტებისს მოწმენი და მსგავსი დანაშაულის პრევენცია პრაქტიკულად ვერ მოხდება“, - თქვა წერეთელმა და აღნიშნა, რომ მას ექნება კომუნიკაცია ეუთოს ყველა შესაბამის სტრუქტურებთან, რომ ამ საკითხის გადაწყვეტაში აქტიურად ჩაერთონ