ინდოელი მამაკაცი კორონავირუსისგან თავის დასაცავად, ოქროს პირბადეს ატარებს

ინდოეთში, მაჰარშტრას შტატის მცხოვრებმა ოთხი ათასი დოლარი გადაიხადა ოქროს პირბადეში, რათა თავი კორონავირუსისგან დაეცვა.

მედიის ცნობით, შანკარ კურადემ ადგილობრივ იუველირს COVID-19-სგან დასაცავად ოქროს ნიღაბი შეუკვეთა. ეს გადაწყვეტილება მან მას შემდეგ მიიღო, რაც მსგავსი ვერცხლის ნიღაბი დაინახა, რომელსაც ერთ-ერთი მოქალაქე ატარებდა. მისი თქმით, 2,5 კგ წონის ძვირფასეულობას მცირე ზომის ხვრელი აქვს, რათა მას სუნთქვის შესაძლებლობა ჰქონდეს.

როგორც მამაკაცი ჟურნალისტებთან საუბრის დროს ამბობს, უსაფრთხოების ყველანაირ ზომას ითვალისწინებს და ნიღბის ტარების გარდა იცავს სოციალურ დისტანციას.

ძვირადღირებულმა ნიღაბმა ადგილობრივებისა და მედიის ყურადღება მიიქცია. „მე ყურადღების ცენტრში აღმოვჩნდი, როდესაც ქუჩაში ოქროს ნიღბით გამოვედი. თუცა ჩემი ოჯახის გატაცება ოქროს ნივთებით ამ რეგიონში ფართოდ არის ცნობილი, ოქროს ნიღაბი - ეს სრულიად ახალი ნივთია, ამიტომაც აღმოჩნდა ის ადამიანებისთვის საინტერესო“, - აღნიშნავს შანკარ კურადე.

ბოლო მონაცემებით, ინდოეთში კორონავირუსით 648 315 ადამიანი დაინფიცირდა, გარდაიცვალა 18 655, გამოჯანმრთელდა 394 433 პაციენტი.