2016 წლისთვის ნაერთი ბიუჯეტის შემოსავლების საპროგნოზო მაჩვენებელი მშპ-ს-თან მიმართებაში 28.2%-ს მიაღწევს

საქართველო, თბილისი - 14:07 | 26.09.2015
ნანახია: 1901

2016 წლისთვის ნაერთი ბიუჯეტის შემოსავლების საპროგნოზო მაჩვენებელი მშპ-ს-თან მიმართებაში 28.2%-ს მიაღწევს, აღნიშნულის შესახებ საუბარია დოკუმენტში “ქვეყნის ძირითადი მონაცემები და მიმართულებები 2016-2019 წლებისათვის“.

როგორც ფინანსთა სამინისტროს მიერ შემუშავებულ დოკუმენტშია აღნიშნული, საშუალოვადიან პერიოდში საბიუჯეტო შემოსულობების პროგნოზული გათვლების გაკეთებისას გათვალისწინებულ იქნა ფისკალურ სფეროში მომხდარი ცვლილებები და მის მიერ გამოწვეული შესაძლო შედეგები.

პროგნოზული გათვლებით, 2016-2019 წლებში, ზრდის ტენდენცია ექნება ბიუჯეტში მობილიზებული თანხების მოცულობას. 2016 წლისთვის ნაერთი ბიუჯეტის შემოსავლების საპროგნოზო მაჩვენებელი მშპ-ს-თან მიმართებაში 28.2%-ს მიაღწევს, ხოლო გადასახადების წილი მთლიანი შიდა პროდუქტის მიმართ 25.8%-ს გაუტოლდება.

2016 წელს ნაერთი ბიუჯეტის სხვა შემოსავლების წილი მთლიანი შიდა პროდუქტის მიმართ სავარაუდოდ 1.7%-ს გაუტოლდება. ხოლო არაფინანსური და ფინანსური აქტივების რეალიზაციიდან მისაღები თანხების მოცულობა მშპ-თან მიმართებაში შესაბამისად 0.7 და 0.2 პროცენტამდეა ნავარაუდევი.


პოლიტიკა



არქივი

მოგვძებნე Facebook-ზე