საქართველოში კორონავირუსისგან გამოჯანმრთელებულთა რაოდენობა 50-მდე გაიზარდა

საქართველოში ახალი კორონავირუსისგან კიდევ ორი პაციენტი განიკურნა და საერთო რაოდენობამ - 50 შეადგინა. ამის შესახებ ინფორმაცია მთავრობის მიერ შექმნილ სპეციალურ ვებგვერდზე, stopcov.ge-ზე ცოტა ხნის წინ განახლდა.

stopcov.ge -ის ინფორმაციით, საქართველოში კორონავირუსის 208 შემთხვევაა დადასტურებული. მათ შორის, გამოჯანმრთელებულია50 მოქალაქე. გარდაიცვალა - 3.

ამასთან, კარანტინის რეჟიმში 4682 მოქალაქე იმყოფება, ხოლო სტაციონარში მეთვალყურეობის ქვეშ – 375.