ჩინეთში, კორონავირუსისგან 29 ათასზე მეტი ადამიანი განიკურნა

საქართველო, თბილისი - 10:41 | 26.02.2020

ნანახია: 974

ჩინეთში კორონავირუსით დაინფიცირებულთა 78 ათასი შემთხვევაა დადასტურებული, აქედან 29 ათასზე მეტი განიკურნა და კლინიკებიდან გაეწერა. ინფორმაციას ჩინეთის ჯანდაცვის სახელმწიფო კომიტეტი ავრცელებს.

ბოლო მონაცემებით, ჩინეთის 31 პროვინციიდან დაფიქსირებულია დაინფიცირების 78 064 შემთხვევა, კლინიკებიდან გაეწერა 29 745 ადამიანი. გარდაცვლილთა რაოდენობამ კი 2715-ს მიაღწია.

ბოლო ერთი დღის განმავლობაში ხუბეის პროვინციაში გამოვლენილია 401 ახალი შემთხვევა, გარდაცვლილია 52 ადამიანი.