ნატო რუსეთს აღმოსავლეთ უკრაინიდან სამხედრო ძალების გაყვანისკენ მოუწოდებს

საქართველო, თბილისი - 09:55 | 19.02.2020
ნანახია: 273

დონბასში არალეგალური შეიარაღებული ჯგუფების ძალადობის ესკალაცია ძირს უთხრის რეგიონში კონფლიქტის მშვიდობიანად მოგვარების მცდელობებს - ამის შესახებ ნატო-ს პრესსპიკერის ოანა ლუნჯესკუს განცხადებაში, რომელსაც უკრაინული მედია ავრცელებს.

ჩრდილოატლანტიკური ალიანსი შეშფოთებულია დონბასის ვითარების ესკალაციით. ნატო სრულად უჭერს მხარს უკრაინის ტერიტორიულ მთლიანობასა და სუვერენიტეტს მის საერთაშორისოდ აღიარებულ საზღვრებში.

ჩვენ, როგორც ადრე, მოვუწოდებთ რუსეთს, გაიყვანოს თავისი ძალები, შეწყვიტოს სეპარატისტების მხარდაჭერა და რეალური ძალისხმევა განახორციელოს მინსკის შეთანხმებების განსახორციელებლად" - თქვა ლუნჯესკუმ.

შეგახსენებთ, 18 თებერვალს, გამთენიისას, დონბასში კრემლის მიერ მხარდაჭერილი შეიერაღებული სეპარატისტები თავს დაესხნენ უკრაინულ პოზიციებს. შეტევას ერთი უკრაინელი სამხედრო ემსხვერპლა.




არქივი

მოგვძებნე Facebook-ზე