აშშ-ის სენატმა მიიღო რეზოლუცია, რომელიც ტრამს კონგრესის თანხმობის გარეშე ირანთან ომის წამოწყების შესაძლებლობას უზღუდავს

საქართველო, თბილისი - 10:14 | 14.02.2020
ნანახია: 319

შეერთებული შტატების სენატმა მხარი დაუჭირა რეზოლუციას, რომლითაც დონალდ ტრამპს ეზღუდება უფლებამოსილება, კონგრესის თანხმობის გარეშე ირანთან ომი წამოიწყოს.

რეზოლუციას მხარი 55-მა სენატორმა დაუჭირა, რომელთა შორის 45 დემოკრატი სენატორი იყო, ხოლო 8 ტრაპმის თანაპარტიელი რესპუბლიკელები.

კენჭისყრის დაწყემაბდე ტრამპმა მოუწოდა სენატს, რომ არ დაეჭირათ მხარი რეზოლუციისთვის.

მანამდე, შეერთებული შტატების კონგრესის წარმომადგენელთა პალატამ მიიღო რეზოლუცია, პრეზიდენტ დონალდ ტრამპის მიერ ირანთან ომის წამოწყების შესაძლებლობის შეზღუდვის განზრახვით.

რეზოლუციით პრეზიდენტ ტრამპის მიმართ მოწოდებულია, ირანის წინააღმდეგ შეიარაღებული ძალების გამოყენებმადე კონგრესისგან თანხმობა მიიღოს.

ამავე რეზოლუციით, გამონაკლის შემთხვევას ირანის მიერ შეერთებულ შტატებზე განხორციელებული პირდაპირი თავდასხმა წარმოადგენს.

წარმომადგენელთა პალატის მიერ მიღებული რეზოლუცია, სიმბოლურ ხასიათს ატარებს და კანონის ძალა არ აქვს, განსხვავებით სენატის მიერ მიღებული რეზოლუციისა.

შეერთებულ შტატებს და ირანს შორის დაძაბულობის ახალი ტალღა ირანის ისლამური რევოლუციის გუშაგთა კორპუსის ერთ-ერთი მეთაურის გენერალ ყასემ სულეიმანის მკვლელობას მოჰყვა.

ყასემ სულეიმანი 3 იანვარს ბაღდადში, აშშ-ის სარაკეტი იერიშის შედეგად მოკლეს.

საპასუხოდ, ირანმა 8 იანვარს, ერაყში მდებარე ორ ამერიკულ ბაზაზე სარაკეტო შეტევა განახორციელა.




არქივი

მოგვძებნე Facebook-ზე