იტალიაში სახლებს თითო ევროდ ყიდიან

საქართველო, თბილისი - 16:27 | 21.01.2020
ნანახია: 324

იტალიაში, ბიზაჩის კომუნაში 90 ისტორიულ შენობას თითო ევროდ ყიდიან. CNN travel-ის ინფორმაციით, ადგილობრივი ხელისუფლება ამგვარად ცდილობს მიიზიდოს ახალი მცხოვრებლები და დასახლებულ პუნქტს სიცოცხლე შესძინოს.

სახლები დანგრევის პირასაა. ყველა შენობა დასახლებული პუნტქის ერთ ნაწილში მდებარეობს, კომუნა კი მოსახლეობისგან თითქმის დაცლილია. ამის გამო ხელისუფლება მოქალაქეებს სთავაზობს ნათესავებთან ან მეგობრებთან ერთად ბიზაჩის კომუნაში საცხოვრებლად გადავიდნენ და რამდენიმე შენობა შეიძინონ.

აღნიშნულია, რომ ქალაქის მიტოვებული ნაწილის მეზობლად მდებარეობს სიცოცხლით სავსე რაიონი, სადაც მოსახლეობა ცხოვრობს, იქვე განლაგებულია მაღაზიები და სოციალური დაწესებულებები.

ყველა შენობის მესაკუთრე ხელისუფლებაა, რაც იმას ნიშნავს, რომ მყიდველს ძველი მფლობელის მოძებნა არ მოუწევს. ამის გარდა ახალი მფლობელი ვალდებულია შენობა გაარემონტოს, თუმცა ვადებში შეზღუდული არ იქნება.

კომუნა ორ ბორცვზეა განლაგებული და ტყით არის გარშემორტყმული.




არქივი

მოგვძებნე Facebook-ზე