პრინცი ჰარი და მეგან მარკლი აპირებენ ისაუბრონ სამეფო ოჯახში გაბატონებულ რასიზმსა და სექსიზმე

საქართველო, თბილისი - 17:00 | 13.01.2020
ნანახია: 272

თუ სამეფო ოჯახი პრინც ჰარისა და მისი მეუღლის მეგან მარკლის გადაწყვეტილებას არ დათანხმდება, წყვილი რამდენიმე წამყვან მედიასაშუალებას მამხილებელ ინტერვიუს მისცემს. ასეთი ულტიმატუმი წაუყენა ელისაბედ მეორეს მისმა შვილიშვილმა. წერს The Sun.

როგორც გამოცემა ამტკიცებს, სასექსის ჰერცოგი და ჰერცოგინია უკვე შეუთანხმდნენ ტელეარხებს ABC, NBC-სა და CBS. მათ ასევე შესაძლოა, მონაწილეობა მიიღონ ოპრა უინფრის შოუშიც.

გამოცემის წყაროს ცნობით, ჰარი და მეგანი აპირებენ ისაუბრონ სამეფო ოჯახში გაბატონებულ რასიზმსა და სექსიზმე.

დღეს, დედოფალი ელისაბედი, პრინცი ჰარი, პრინცი უილიამი და პრინცი ჩარლზი ნორფოლკში, დედოფლის მამულში შეიკრიბებიან, რათა შექმნილ ვითარებაზე იმსჯელონ. შეხვედრას ვიდეოჩართვის მეშვეობით მეგან მარკლიც დაესწრება, რომელიც ამჟამად შვილთან ერთად კანადაში იმყოფება. შეხვედრას შესაძლოა, დაესწრონ დიდი ბრიტანეთისა და კანადის ხელისუფლებების წარმომადგენლებიც.

სამეფო ოჯახის წევრები უპირველს ყოვლისა, განიხლავენ ჰარისა და მეგანის დაფინანსების საკითხს.

მედიის ინფორმაციით, პრინცმა ჩარლზმა ჰარის მიანიშნა, რომ დაფინანსების მოცულობა დამოკიდებული იქნება მისი და მეგანის ვალდებულებების შესრულებაზე.

ამის გარდა, აუცილებელია გაირკვეს დაბეგვრის საკითხებიც. იმის გამო, რომ ცოლ-ქმარი ორ ქვეყანაში აპირებს ცხოვრებას, გადასახადების გადახდის თემა ბრიტანელ და კანადელ სამსახურებთან უნდა განიხლონ. ასევე დღის წესრიგში დგას ჰარისა და მეგანის დაცვის საკითხი, რომლის უზურუნველყოფაც ამჟამად გადასახადების გადამხდელთა ხარჯზე  ხდება.

 

 




არქივი

მოგვძებნე Facebook-ზე