ცხინვალის საოკუპაციო რეჟიმი საქართველოს ხელისუფლებისა და დასავლეთის მოწოდებებს ვაჟა გაფრინდაშვილის გათავისუფლების შესახებ ისტერიას უწოდებს

საქართველო, თბილისი - 11:21 | 24.12.2019
ნანახია: 1575

ოკუპირებული სამხრეთ ოსეთის ე.წ. საგარეო საქმეთა სამინისტრო საქართველოს ხელისუფლებისა და დასავლეთის მოწოდებებს ექიმ ვაჟა გაფრინდაშვილის გათავისუფლების შესახებ ისტერიას უწოდებს.

 „ყურადღებას იქცევს ქართველ და დასავლელ პოლიტიკოსთა წრეებში განვითარებული ისტერია დაუყოვნებლივ გათავისუფლდეს საქართველოს მოქალაქეის ვაჟა გაფრინდაშვილი“, - ნათქვამია განცხადებაში.

ე.წ. საგარეო უწყება აღნიშნავს, რომ ნებისმიერ სამართლებრივ სახელმწიფოში საზღვრის დამრღვევები სასჯელს იმსახურებენ და სამხრეთ ოსეთიც გამონაკლისს არ წარმოადგენს.

 „უმეტეს შემთხვევაში სამხრეთ ოსეთის სახელმწიფო საზღვრის დამრღვევები ადმინისტრაციული ზომების გატარების შემდეგ საქართველოს სამრთალდამცავ ორგანოებს გადაეცემათ. რაც შეეხება გაფრინდაშვილს, მისი ქმედებები შეიცავს დანაშაულის ნიშნებს, რომლისთვისაც სასჯელს იმსახურებს და მისი პროფესიული საქმიანობა ამასთან არანაირ კავშირში არ არის“, - ნათქვამია ოკუპირებული სამხრეთ ოსეთის ე.წ. საგარეო საქმეთა სამინისტროს განცახდებაში.

20 დეკემბერს, საოკუპაციო რეჟიმმა ვაჟა გაფრინდაშვილს 1 წლითა და 9 თვით პატიმრობა მიუსაჯა.

ცხინვალის საოკუპაციო რეჟიმმა, ე.წ. საზღვრის დარღვევისთვის, 9 ნოემბერს საქართველოს მოქალაქე ვაჟა გაფრინდაშვილი დააკავა.

 


პოლიტიკა



არქივი

მოგვძებნე Facebook-ზე