ტრამპმა ლავროვთან შეხვედრას „ძალიან კარგი“ უწოდა

აშშ-ის პერზიდენტმა დონალდ ტრამპმა რუსეთის საგარეო საქმეთა მინისტრ სერგეი ლავროვთან შეხედრას „ძალიან კარგი“ უწოდა. ამის შესახებ მან მიკრობლოგ Twitter-ზე დაწერა.

ტრამპმა განაცხადა, რომ შეხვედრის დროს განიხილეს უამრავი პრობლემა, მათ შორის ორ ქვეყანას შორის სავაჭრო ურთიერთობები, ირანის ბირთვული პრობლემა. ჩრდილოეთ კორეის საკითხი, ასევე საშუალო და მცირე მანძილის რაკეტების შესახებ შეთანხმება, ბირთვულ იარაღზე კონტროლი და არჩევნებში ჩარევა.

ტრამპმა იმედი გამოთქვა, რომ რუსეთთან დიალოგი გაგრძელდება.

ლავროვმა, თავის მხრივ, განაცხადა, რომ აშშ-ის პრეზიდენტთან შეხვედრამ ურთიერთგაგების ატმოსფეროში ჩაიარა, მხარეებმა რიგი საკვანძო პრობლემები განიხილეს.

სერგეი ლავროვი ვაშინგტონშინ 10 დეკემბერს ჩავიდა.