დონალდ და მელანია ტრამპებმა თეთრი სახლის ნაძვის ხე აანთეს | ვიდეო

საქართველო, თბილისი - 11:16 | 06.12.2019
ნანახია: 189

შეერთებული შტატების პრეზიდენტმა დონალდ ტრამპმა და მისმა მეუღლემ მელანია ტრამპმა მონაწილეობა მიიღეს თეთრ სახლში ნაძვის ხის ანთების ტრადიციულ ცერემონიალში.

ნაძვის ხის გასანათებელი ღილაკის ჩართვის უფლება დონალდ ტრამპმა დიდსულოვნად გადასცა მელანიას, რასაც ადგილზე შეკრებილი საზოგადოების მხრიდან მხურვალე აპლოდისმენტები მოჰყვა.

საზეიმო სიტყვის წარმოთქმისას, ტრამპმა მოკლედ ისაუბრა საშობაო დღესასწაულის ისტორიასა და მის მნიშვნელობაზე.

დონალდ ტრამპი პროტესტანტიზმის ერთ-ერთი მიმართულების, პრესვიტერიანული ეკლესიის წევრია.

სახელმწიფო მეთაურმა ისაუბრა ქველმოქმედების მნიშვნელობაზე და მადლობა გადაუხადა საქაველმოქმედო ორგანიზაციების წარმომადგენლებს, რომლებიც იმყოფებოდნენ ცერემონიალზე.

ამის შემდეგ, ტრამპმა მადლობა გადაუხადა სამხედროებს, პოლიციელებს, მეხანძრეებს და სასწრაფო დახმარების ექიმებისს და მათ "წარმოუდგენელი, განსაკუთრებული ხალხი" უწოდა.

თეთრ სახლთან საშობაო ნაძვის ხის ანთების ტრადიცია სათავეს 1923 წლიდან, პრეზიდენ ჯონ კალვინ კულიჯის დროიდან იღებს.




არქივი

მოგვძებნე Facebook-ზე