ლიონელ მესიმ ოქროს ბურთი მეექვსედ მოიპოვა

საქართველო, თბილისი - 10:58 | 03.12.2019
ნანახია: 438

2 დეკემბერს პარიზში "ოქროს ბურთის" დაჯილდოების ტრადიციული ცერემონია გაიმართა, რომლის ერთ-ერთი წამყვანიც წარსულში ცნობილი კოტ დივუარელი თავდამსხმელი დიდიე დროგბა გახლდათ. ავტორიტეტული ფრანგული ჟურნალის France Football-ის პრესტიჟული საფეხბურთო ჯილდოს მფლობელი ესპანური „ბარსელონასა“ და არგენტინის ნაკრების ლიდერი ლიონელ მესი გახდა, რომელმაც აღნიშნული ჯილდო მეექვსედ მოიპოვა და ამით, ყველა დროის რეკორდსმენი გახდა.

გასული წლის მსგავსად, საზეიმო ცერემონიას არ დასწრებია „იუვენტუსისა“ და პორტუგალის ნაკრების ფეხბურთელი კრიშტიანუ რონალდუ, რომელიც მე-3 ადგილზე გავიდა, მე-2 პოზიცია კი „ლივერპულისა“ და ნიდერლანდების ნაკრების წევრმა ვირჯილ ვან დაიკმა დაიკავა.

"ოქროს ბურთი" ქალთა შორის ვაშინგტონის „რეინის“ ამერიკელ ნახევარმცველ მეგან რაპინოს გადაეცა. მან ინგლისის ნაკრების წევრ ლუსი ბრონზის (ლიონი) და თანამემამულე ალექს მორგანს (ორლანდო) აჯობა.




არქივი

მოგვძებნე Facebook-ზე