რუსულმა ავიაკომპანიებმა საქართველოში ფრენების აკრძალვის გამო 3 მლრდ რუბლზე მეტი დაკარგეს

საქართველო, თბილისი - 15:04 | 20.11.2019

ნანახია: 1138

რუსულმა ავიაკომპანიებმა საქართველოში ფრენების აკრძალვის გამო 3 მლრდ რუბლზე მეტი დაკარგეს. იტყობინება Deutsche Welle-ს რუსული ბიურო.

Deutsche Welle-ს ინფორმაციით, რომელიც თავის მხრივ რუსულ გამოცემა "ვედომოსტის" ეყრდნობა, ყველაზე მეტად დაზარალდა "ურალის ავაიხაზები", რომელმაც დაახლოებით 1.3 მლრდ რუსული რუბლი დაკარგა.

თავიანთი დაკანარგები "აეროფლოტმა" და S7-მა 700 მლნ რუბლით შეაფასეს, ხოლო "Pobeda Airlines"-ი აცხადებს, რომ ფრენების აკრძალვის გამო 400 მილიონით იზარალა.

ავიაკომპანიამ Red Wings-მა 120 მლნ რუბლი დაკარგა.

რუსული გამოცემა "ვედომოსტის" ინფორმაციით, ავიაკომპანიებმა ფინანსური დანაკარგების ხარჯთაღრიცხვა წარუდგინეს რუსეთის ფედერაციის ტრანსპორტის სამინისტროს, რათა ამ უკანასკნელს, დაპირებისამებრ, ზარალის კომპენსირება მოეხდინა. თუმცა, როგორც "ვედომოსტის" წყარო ამბობს, სამინისტრო მხოლოდ პირდაპირი ზარალის ანაზღაურებას გეგმავს.

რუსეთის პრეზიდენტის გადაწყვეტილებით, რუსეთიდან საქართველოს მიმართულებით პირდაპირი ავიარეისები მიმდინარე წლის ივლისიდან შეწყდა. რუსეთ-საქართველოს შორის ბოლო პირდაპირი ავიარეისი 2019 წლის 7 ივლისს განხორციელდა, რადგანაც ავიაემბარგო ძალაში 8 ივლისიდან შევიდა.

რუსეთის ხელისუფლების რეაქცია, სახელმწიფო დუმის დეპუტატის სერგელი გავრივლოვის საქართველოს პარლამენტის თავჯდომარის სავარძელში ხილვით გამოწვეულ ქართველი ხალხის პროტესტს მოჰყვა.