ჰონგ-კონგის პოლიციამ მომიტინგეების წინააღმდეგ ცეცხლსასროლი იარაღი გამოიყენა

საქართველო, თბილისი - 12:39 | 11.11.2019
ნანახია: 137

ჰონგ-კონგის პოლიციამ დაადასტურა, რომ საპროტესტო აქციის დაშლის დროს, მომიტინგეების წინააღმდეგ სამართალდამცველებმა ცეცხლსასროლი იარაღი გამოიყენეს ქალაქის სამ რაიონში. პოლიციელთა განცხადებით, დაიჭრა ერთი ადამიანი.  

მედიაში გავრცელდა ვიდეოჩანაწერი, სადაც ჩანს, როგორ ესვრის სამართალდამცველი ახლო მანძილიდან აქციის მონაწილეს.

ამასთან, ქალაქის ქუჩებში გაბატონებულია ქაოსი. პოლიციამ რამდენიმე რაიონში უკვე გამოიყენა წიწაკისა და ცრმელსადენი გაზი, ასევ რეზინის ტყვიები და ხელკეტები. დემონსტრანტებს გადაკეტილი აქვთ საავტომობილო გზები, ისინი პოლიციელებს ესვრიან  ე.წ. მოლოტოვის კოქტეილებს, აგურებს, მძიმე საგნებს. არეულობების გამო შეჩერებულია სასწავლო პროცესი.

ჰონგ-კონგში საპროტესტო აქციები ივნისში დაიწყო. თავდაპირველად აქციები ჰონგ-კონგიდან კონტინენტურ ჩინეთში ექსტრადიციის კანონპროექტის გაწვევის მოთხოვნით დაიწყო, რაც რამდენიმე თვეში დაკმაყოფილდა, თუმცა დროთა განმავლობაში მომიტინგეების მოთხოვნები გაიზარდა. ისინი ახლა პოლიციის უფლებამოსილების გადამეტების დამოუკიდებელ გამოძიებას, თავისუფალ არჩევნებს და ზოგადად, პეკინის გაზრდილი გავლენისგან გათავისუფლებას ითხოვენ. აქციები არაერთხელ ძალადობრივად დაშალეს.




არქივი

მოგვძებნე Facebook-ზე