ბოლოს ფილმი როდის ვნახე და კინოში როდის ვიყავი, არ მახსოვს - კახა კალაძე

საქართველო, თბილისი - 17:12 | 08.11.2019
ნანახია: 145

სად მაქვს ფილმის დრო, ბოლოს ფილმი როდის ვნახე და კინოში როდის ვიყავი, ნამდვილად არ მახსოვს, - განუცხადა თბილისის მერმა კახა კალაძემ ჟურნალისტებს, ფილმთან „და ჩვენ ვიცეკვეთ“ დაკავშირებული შეკითხვის პასუხად.

მისივე განცხადებით, სამართალდამცავები ყველა ადამიანის უსაფრთხოებას დაიცავენ.

„შს სამინისტრომ განცხადება უკვე გააკეთა და ყველა ადამიანის უსაფრთხოება დაცული იქნება“, - განაცხადა კახა კალაძემ.

ოსკარზე წარდგენილი ქართულ-შვედური ფილმის - "და ჩვენ ვიცეკვეთ" პრემიერა საქართველოს კინოთეატრებში დღეს უნდა გაიმართოს. ფილმი გარკვეულმა ჯგუფებმა უკვე გააპროტესტეს. ბიზნესმენი ლევან ვასაძე მხარდამჭერებთან ერთად პრემიერის ჩაშლას გეგმავს. ფილმის ჩვენებას ეწინააღმდეგება "მართლმადიდებელ მშობელთა კავშირიც". გურამ ფალავანდიშვილის ამბობს, რომ ფილმის ჩვენება, ნებისმიერი ძალისხმევის ხარჯზე ჩაიშლება. მასშტაბური პროტესტისთვის ემზადება "ქართული მარშიც". საპატრიარქო ფილმის საქართველოს კინოთეატრებში ჩვენებას მიუღებლად მიიჩნევს, თუმცა ამავდროულად ემიჯნება ძალადობას.

ფილმის პრემიერა თბილისისა და ბათუმის კინოთეატრებში დღეს, 20:00 საათზე დაიწყება.




არქივი

მოგვძებნე Facebook-ზე