ჯგუფები, რომლებიც კინოჩვენებას ეწინააღმდეგებიან, საუბრობენ რუსეთის პროპაგანდის ენით - ელენე ხოშტარია
საქართველო, თბილისი - 16:39 | 08.11.2019 ნანახია: 631
ჩვენი კონსტიტუციითა და კანონით, ძალადობის უფლება არავის არ აქვს,- ამის შესახებ „ევროპული საქართველოს“ წევრმა ელენე ხოშტარიამ ფილმის „და ჩვენ ვიცეკვეთ“ პრემიერასა და დაგეგმილ აქციასთან დაკავშირებით განაცხადა.
მისი თქმით, კინოში წასვლა და ფილმის ჩვენების ჩაშლა, დარბევა, არ არის თანაბარი უფლება. მისივე თქმით, კინოში წასვლა არის უფლება, ხოლო დარბევა – ძალადობა.
„ჩვენი კონსტიტუციითა და კანონით ძალადობის უფლება არავის არ აქვს. შეიძლება რაღაცა ჯგუფებს არ მოსწონდეთ რაღაც ფილმი, წიგნი ან რაღაც ქმედება, ამისთვის მათ აქვთ გარანტირებული მშვიდობიანად აზრის გამოხტვა. რაც მოვისმინეთ, უკვე კანონდარღვევაა, რადგან იყო პირდაპირი მუქარა ძალადობაზე, მათ შორის პოლიციის მიმართ ძალადობაზე, ვინაიდან საუბარი იყო კორდონის გარღვევაზე, ფილმის ჩვენების ჩაშლაზე, რაც ხელისუფლებამ შეაფასა, როგორც უფლება. კერძოდ თალაკვაძემ თქვა, რომ ეს არის ორი უფლების დაახლოებაო. კინოში წასვლა და ამის დარბევა არ არის თანაბარი უფლება. კინოში წასვლა არის უფლება და დარბევა არის ძალადობა. ხელისუფლებამ გარდა იმისა, რომ ეს უნდა აღკვეთოს, მსგავსი განცხადებები არ უნდა გააკეთოს, რადგან ეს ახალისებას ძალადობას“,- განაცხადა ხოშტარიამ.
ელენე ხოშტარია ამბობს, რომ ჯგუფები, რომლებიც კინოჩვენებას ეწინააღმდეგებიან, რუსეთთან არიან დაკავშირებული.
„ისინი საუბრობენ რუსეთის პროპაგანდის ენით, რომელიც ანგრევს ჩვენი ქვეყნის უსაფრთხოებას. დიმიტრი ლორთქიფანიძე, ეს არის ჯგუფი, რომელიც პრიმაკოვის ფონდიდან, პრაქტიკულად კრემლიდან იღებს ფულს და მის ინტერესშია, მსგავსი ძალადობა, ესკალაცია შემოიტანოს ქვეყანაში. არანაირი ცენზურა არ არის საჭირო, ამას არ შევეგუებით. ეს არის კამპანია, თავდასხმა ფილმზე, რომელიც არ მოსწონს საზოგადოების რაღაც ნაწილს“, – განაცხადა ელენე ხოშტარიამ.
შეგახსენებთ, რომ ოსკარზე წარდგენილი ქართულ-შვედური ფილმის - "და ჩვენ ვიცეკვეთ" პრემიერა საქართველოს კინოთეატრებში დღეს უნდა გაიმართოს. ფილმი გარკვეულმა ჯგუფებმა უკვე გააპროტესტეს. ბიზნესმენი ლევან ვასაძე მხარდამჭერებთან ერთად პრემიერის ჩაშლას გეგმავს. ფილმის ჩვენებას ეწინააღმდეგება "მართლმადიდებელ მშობელთა კავშირიც". გურამ ფალავანდიშვილის ამბობს, რომ ფილმის ჩვენება, ნებისმიერი ძალისხმევის ხარჯზე ჩაიშლება. მასშტაბური პროტესტისთვის ემზადება "ქართული მარშიც". საპატრიარქო ფილმის საქართველოს კინოთეატრებში ჩვენებას მიუღებლად მიიჩნევს, თუმცა ამავდროულად ემიჯნება ძალადობას.
ფილმის პრემიერა თბილისისა და ბათუმის კინოთეატრებში დღეს, 20:00 საათზე დაიწყება.
პოლიტიკა
- პარლამენტმა ჯანდაცვის კომიტეტის თავმჯდომარედ დიმიტრი ხუნდაძე დაამტკიცა
- ზურაბიშვილს თუ არ შეუძლია ლაპარაკი, გადადგეს და წავიდეს პენსიაზე - გიგა ბოკერია
- ჩასაფრებული პოზიციიდან პრეზიდენტის ყველა სიტყვა ხდება საქილიკო - სალომე ზურაბიშვილი
- ჩემი სიტყვა არ ეხებოდა საქართველოს თავდაცვის ძალებს და მათი ღირსების დაკნინებას - სალომე ზურაბიშვილი
საზოგადოება
- ტალინში ქართული დიზაინით გაფორმებული სკვერი გაიხსნა
- რუსთავში, სარეაბილიტაციო სამუშაოებზე დასაქმებული ორი მუშა ხარაჩოდან გადავარდა
- ტაქსებზე განთავსებული რეკლამისთვის არავინ ჯარიმდება, თუკი ეს რეკლამა სწორად არის განთავსებული - კალაძე
- რა ჰქვია ამას, თუ არა ქვეყნის ღალატი - მეუფე იოსები სალომე ზურაბიშვილის განცხადებაზე
მსოფლიო
- ბაგრამის ბაზაზე მომხდარ აფეთქებაზე პასუხიმსგებლობა თალიბანმა აიღო
- აუნ სან სუ ჩი ჰააგის სასამართლოში მიანმარის მიერ გენოციდზე ბრალდებებს უარყოფს
- ბორის ჯონსონმა არჩევნებამდე ერთი დღით ადრე, მოსახლეობას რძე და წვენი დაურიგა
- თურქეთი, სანქციების შემთხვევაში, აშშ-ს ინჯირლიკის ამერიკული ბაზის დახურვით ემუქრება
კონფლიქტები
- ცხინვალის საოკუპაციო რეჟიმმა ახალგორის მაცხოვრებლებს ე.წ. საზღვარზე გადასვლის უფლება მისცა
- ცხინვალის საოკუპაციო რეჟიმმა ექიმ ვაჟა გაფრინდაშვილს წინასწარი ორთვიანი პატიმრობა შეუფარდა
- ზაქრო ბუთხუზი ოკუპირებული ცხინვალის ციხიდან გათავისუფლდა
- ცხინვალის საოკუპაციო რეჟიმის წარმომადგენლები ავსტრიაში, საერთაშორისო სემინარზე არ დაუშვეს
მედიცინა
- მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია "ბერლინ-ხემის" წარმომადგენლებთან შეხვედრა შედგა
- ოქტომბრის ბოლოს გრიპის ვირუსზე 100 000 ყველაზე მაღალი რისკის შემცველ მოქალაქეს უფასოდ აცრიან
- საქართველო იქნება პირველი ქვეყანა გლობალურად, რომელიც დაამარცხებს C ჰეპატიტს - მარიამ ჯაში
- იტალიის საუკეთესო ჰემატოლოგები „ნიუ ჰოსპიტალსში“ უფასო კონსულტაციებს გამართავენ