კავეა მაყურებლებს მოუწოდებს ფილმის „და ჩვენ ვიცეკევთ“ სანახავად დაგეგმილზე ადრე მივიდნენ

საქართველო, თბილისი - 13:03 | 08.11.2019
ნანახია: 971

კინოთეატრების ქსელი კავეა იმ მოქალაქეებს, რომლებმაც უკვე შეიძინეს ფილმზე And Then We Danced დასასწრები ბილეთები, კინოში დაგეგმილზე ადრე მივიდნენ, რათა მათი უსაფრთხოება და დარბაზში კუთვნილ ადგილებზე განთავსება შეუფერხებლად მოხდეს.

„კინოთეატრების უსაფრთხოების სამსახური აქტიურად თანამშრომლობს შინაგან საქმეთა სამინისტროსთან, რომ დაგეგმილმა ჩვენებებმა ექსცესების გარეშე ჩაიაროს. ცხადია, მაქსიმალურად ვზრუნავთ ჩვენი მაყურებლის უსაფრთხოებაზე და კომფორტზე, სწორედ ამიტომ ვთხოვთ მათ ვინც შეიძინა “და ჩვენ ვიცეკვეთ” ბილეთები, ფილმის სანახავად მოვიდნენ დაგეგმილზე ადრე, რომ მათი უსაფრთხოება და დარბაზში კუთვნილ ადგილებზე განთავსება უზრუნველვყოთ შეუფერხებლად", - წერს კავეა.

„და ჩვენ ვიცეკვეთ“ საქართველოს კონოთეატრებში დღეს გამოდის.

ძალადობრივი, ჰომოფობიური ჯგუფები ფილმის პრემიერის ჩაშლას აანონსებენ და იმუქრებიან, რომ მაყურებლებს კონოთეატრებში არ შეუშვებენ.

 


პოლიტიკა



არქივი

მოგვძებნე Facebook-ზე