ცხინვალის საოკუპაციო რეჟიმის წარმომადგენლები ავსტრიაში, საერთაშორისო სემინარზე არ დაუშვეს

საქართველო, თბილისი - 16:54 | 07.11.2019
ნანახია: 1503

ავსტრიაში კავკასიაში მიმდინარე მოვლენებისადმი მიძღვნილ სემინარზე, რომელიც ქალაქ რაიხენაუში 6-10 ნოემბერს იმართება,  ოკუპირებული სამხრეთ ოსეთის ე.წ. საგარეო საქმეთა მინისტრი დიმიტრი მედოევი არ დაუშვეს.

ცხინვალის საოკუპაციო რეჟიმის განცხადებით, ე.წ. მინისტრი -  მედოევი სემინარზე მიწვეული იყო, მაგრამ 6 ნოემბერს ორგანიზატორებმა აცნობეს, რომ მისი მონაწილეობა სიმპოზიუმში შეუძლებელი იყო.

სემინარი ავსტრიის თავდაცვის ეროვნული აკადემიის ორგანიზებით იმართება.

ე.წ. საგარეო საქმეთა სამინისტროში რუსულ მედიას განუცხადეს, რომ საქართველოს ყველა ხელისუფლება უპრეცენდენტო ზომებს მიმართავს, რათა დაბლოკოს „სამხრეთ ოსეთის ხელისუფლების“ შესაძლებლობა, თავისი პოზიცია საერთაშორისო საზოგადოებას გააცნოს.

მრავალი წლის განმავლობაში საქართველოს ხელისუფლება მიმართავს უპრეცენდენტო ზომებს, რათა დაბლოკოს სამხრეთ ოსეთისთვის ნებისმიერი შესაძლებლობა, საერთაშორისო საზოგადოების ყურამდე მიიტანოს თავისი მოსაზრებები და თავისი ინტერესებისთვის დეზინფორმაციას მიმართავს“, - განაცხადეს ცხინვალის საოკუპაციო რეჟიმის წარმომადგენლებმა.

 „მეზობელი აგრესორი-ქვეყნის სამთავრობო სტრუქტურები ყველანაირ ღონეს მიმართავენ, რომ ინფორმაცია გამსახურდია-შევარდნაძე-სააკაშვილის დანაშაულებებისა და ქართულ-ოსური ურთიერთობის რეალური სურათის შესახებ დამალული იყო საერთაშორისო საზოგადოებისათვის“, -აღნიშნულია ოკუპირებული სამხრეთ ოსეთის ე.წ. საგარეო საქმეთა სამინისტროს განცხადებაში.

 




არქივი

მოგვძებნე Facebook-ზე