უიტნი ჰიუსტონის მეგობარმა ქალმა დაადასტურა ხმები მათი რომანის შესახებ

საქართველო, თბილისი - 15:05 | 07.11.2019
ნანახია: 153

ამერიკელი მომღერლის უიტნი ჰიუსტონის მეგობარმა ქალმა რობინ კროუფორდმა დაადასტურა გავრცელებული ხმები მათი რომანის შესახებ. იუწყება NBC.

 „ძალიან ახლო მეგობრები ვიყავით. მეგობრობის საწყის ეტაპზევე ჩვენ ფიზიკური ურთიერთობა გვქონდა“, - განაცხადა რობინმა, რომელმაც მომღერალი ნიუ-ჯერსიში 1980 წელს გაიცნო.

 „სწორედ მაშინ, ზაფხულში, ერთმანეთს პრველად შევხვდით. ეს იყო პირველად, როდესაც ჩვენი ტუჩები ერთმანეთს შეეხო. ეს დაგეგმილი არ ყოფილა, ყველაფერი თავისთავად მოხდა, რაც შესანიშნავი იყო.  ამის შემდეგ ღამე ერთად გავატარეთ“, - აღიარა კროუფორდმა. მისი თქმით, სქესობრივმა ურთიერთობამ ისინი ერთმანეთთან უფრო დაახლოვა.

აღნიშნულია, რომ გარკვეული პერიოდის შემდეგ ჰიუსტონმა მეგობარს ურჩია, რომ მათი რომანი უნდა დასრულებულიყო. ის ნერვიულობდა, რომ მათი რომანის შესახებ ცნობილი გახდებოდა.

2018 წლის გაზაფხულზე გავრცელდა ინფორმაცია, რომ ჰიუსტონი სექსუალური ძალადობის მსხვერპლი იყო, მომღერლის ნათესავები ყვებოდნენ, რომ ჰიუსტონის ბიძაშვილი დიდ დი ვავრიკი  ბავშვობაში მას ავიწროებდა.

უიტნი ჰიუსტონი 2012 წლის 11 თებერვალს ლოს-ანჯელესში, 49 წლის ასაკში გარდაიცვალა. ის სასტუმროს ნომერში აბაზანაში იპოვეს. ექსპერტიზამ დაადგინა, რომ გარდაცვალების მიზეზი კოკაინის მოხმარება და გულის შეტევა გახდა.

 




არქივი

მოგვძებნე Facebook-ზე