მექსიკაში აშშ-ის მოქალაქეები - ქალები და ბავშვები დახოცეს

საქართველო, თბილისი - 15:10 | 05.11.2019
ნანახია: 122

რამდენიმე ქალი და ბავშვი დახოცეს ჩრდილოეთ მექსიკაში თავდასხმის შედეგად. სავარაუდოდ თავდამსხმელები ნარკოკარტელის წევრები იყვნენ.

ბი ბი სის ცნობით, თავდასხმას აშშ-ის ხუთი მოქალაქე - ერთი ქალი და ოთხი ბავშვი ემსხვერპლა. ამასთან, The New York Times-ის მონაცემებით, დაიღუპა სამი ქალი და ექვსი ბავშვი, ორი მათგანი ერთ წლამდე ასაკის იყო.

დანაშაულის ადგილზე იპოვეს დამწვარი ტყვიაგაუმტარი ავტომობილი. ზოგიერთი მსხვერპლი, სავარაუდოდ ცეცხლში დაიწვა.

გავრცელებული ცნობით, გარდაცვლილები ნათესავები იყვნენ და მორმონების (რელიგიური საზოგადოება)  საზოგადოებას ეკუთვნოდნენ. ტელეარხის ცნობით, დაღუპულების ნათესავებმა განაცხადეს, რომ მათ ჯგუფში იყო სამი ქალი და 14 ბავშვი. ამ ჯგუფის სხვა წევრების ბედი უცნობია.

 




არქივი

მოგვძებნე Facebook-ზე