სტუ-ის მეცნიერებს EURAXESS-ში გაწევრიანებით მიღებული პერსპექტივები მიხეილ ბატიაშვილმა და ზვიად გაბისონიამ გააცნეს
საქართველო, თბილისი - 13:13 | 09.10.2019 ნანახია: 688საქართველოს ტექნიკურ უნივერსიტეტში, ევროკავშირის კვლევებისა და ინოვაციების სახელმწიფოთაშორისი ორგანიზაცია EURAXESS-ში საქართველოს ინტეგრირებასთან დაკავშირებით, გაიმართა პრეზენტაცია, თემაზე - "საქართველოს მეცნიერების ევროპულ სივრცეში ინტეგრირების ახალი ეტაპი - ახალი შესაძლებლობები მეცნიერებისთვის".
ღონისძიებას, რომელიც ტექნიკური უნივერსიტეტის ადმინისტრაციულ კორპუსში, გიორგი ნიკოლაძის სახელობის დარბაზში შედგა, საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი, „შოთა რუსთაველის საქართველოს ეროვნული სამეცნიერო ფონდის“ გენერალური დირექტორი ზვიად გაბისონია, ტექნიკური უნივერსიტეტის რექტორი, აკადემიკოსი არჩილ ფრანგიშვილი და სტუ-ის აკადემიური და სამეცნიერო წრეების წარმომადგენლები დაესწრნენ.
საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა და შოთა რუსთაველის საქართველოს ეროვნული სამეცნიერო ფონდის დირექტორმა ზვიად გაბისონიამ საქართველოს ტექნიკური უნივერსიტეტის მეცნიერებსა და მკვლევრებს ევროპის სამეცნიერო სივრცეში ინტეგრირების უნიკალური პანევროპული ინიციატივის - EURAXESS-ის შესახებ ესაუბრნენ, საქართველოს აღნიშნულ ორგანიზაციაში გაწევრიანების დეტალები გააცნეს და იმ რეალურ პერსპექტივაზე გაამახვილეს ყურადღება, რაც ქართულ სამეცნიერო წრეებს ერთიან ევროპულ სივრცეში გაწევრიანებით გაუჩნდება.
"სექტემბრის ბოლოს, ბრიუსელში, ჩვენი ქვეყნისთვის უმნიშვნელოვანეს შეთანხმებას მოეწერა ხელი. ამ შეთანხმებით, საქართველო ერთიანი ევროპული სამეცნიერო სივრცის Euraxess-ის წევრი გახდა. ეს ნიშნავს იმას, რომ ქართული სამეცნიერო წრეებისა და თითოეული ჩვენი მკვლევრისთვის რეალურად ხელმისაწვდომია ის რესურსები, რითაც ევროკავშირის წევრი ქვეყნების მეცნიერები სარგებლობენ. ქართველი მეცნიერებისთვის ისევე ხელმისაწვდომი იქნება მსხვილი ევროპული ფონდები და სხვადასხვა ევროპულ ინსტიტუციასთან თანამშრომლობა, როგორც ევროკავშირის ქვეყნების ნებისმიერი მეცნიერისთვის. ჩვენს ახალაგაზრდა მკველევრებს რეალური შესაძლებლობა უჩნდებათ, განახორციელონ ერთობლივი სამეცნიერო პროექტები", - განაცხადა მიხეილ ბატიაშვილმა.
შეხვედრაზე შოთა რუსთაველის საქართველოს სამეცნიერო ფონდის ხელმძღვანელმა ზვიად გაბისონიამ საქართველოში EURAXESS-ის ოფიციალური წარმომადგენლობის შექმნის შესახებ ისაუბრა. წარმომადგენლობა ქართველ მეცნიერებს ყველა იმ ტექნიკური დეტალს გააცნობს, რაც EURAXESS-ის სერვისებით სარგებლობისთვისაა აუცილებელი. როგორც ზვიად გაბისონიამ აღნიშნა, საქართველოს სახელით, პროგრამით სარგებლობის შესაძლებლობა აფხაზ მეცნიერებსაც ექნებათ.
"EURAXESS-საქართველო ერთი კვირის წინ დაფუძნდა და უკვე ინტენსიური შეხვედრები გვაქვს უნივერსიტეტების სამეცნიერო წრეებთან. იმისთვის, რომ ქართველ მეცნიერებს პირდაპირი წვდომა ჰქონდეთ EURAXESS-თან, აუცილებელია იცოდნენ ყველა ტექნიკური დეტალი. სწორედ ამგვარად შეძლებენ ჩვენი მეცნიერები, ისარგებლონ ევროკავშირის მიერ გამოყოფილი უზარმაზარი ბიუჯეტით, რომელიც, დაახლოებით, ას მილიარდს შეადგენს. ხოლო EURAXESS-ის პლატფორმაზე დღეს მიმდინარე კონკურსების ბიუჯეტი ორ მილიარდ ევრომდეა. დღეიდან უკვე შესაძლებელია პასიურ რეჟიმში დარეგისტრირება, იანვრიდან კი ახალი ვებგვერდი ამოქმედდება. ეს კი მეცნიერებს საშუალებას მისცემს, კონკურსებში მონაწილეობა ქართულ, ინგლისურ და აფხაზურ ენებზე მიიღონ. რასაკვირველია, აფხაზ მეცნიერებს კონკურსში მონაწილეობა საქართველოს სახელით შეეძლებათ", - აღნიშნა ზვიად გაბისონიამ.
ტექნიკური უნივერსიტეტის რექტორის არჩილ ფრანგიშვილის თქმით, ევროკავშირის კვლევებისა და ინოვაციების სახელმწიფოთაშორის ორგანიზაციაში გაწევრიანება ქართველ მეცნიერებს განვითარების ახალ შესაძლებლობებს მისცემს.
"ეს უდიდესი პანევროპული სამეცნიერო ინიციატივაა, რომელსაც ორგანიზაცია EURAXESS-ი ეფუძნება და თავისთავად, მასში საქართველოს გაწევრიანება უდიდეს გასაქანს მისცემს ქართველ მეცნიერებსა და მკვლევრებს, როგორც სამეცნიერო ინფორმაციის მიღებისა და სხვადასხვა ფონდთან თანამშრომლობის, ასევე, ერთობლივი სამეცნიერო პროექტების განხორციელების მხვრივ. EURAXESS-ში გაწევრიანებით, ჩვენს ნებისმიერ მკვლევარს უნიკალური შესაძლებლობა მიეცემა, გააღრმავოს სამეცნიერო კოლაბორაცია და განივითაროს კარიერა თავისი კვლევითი სფეროსა და სამეცნიერო ინტერესების შესაბამისად", - განაცხადა არჩილ ფრანგიშვილმა.
ევროკავშირის კვლევებისა და ინოვაციების სახელმწიფოთაშორისი ორგანიზაცია EURAXESS-ის წევრი საქართველო, ოფიციალურად, მიმდინარე წლის 24 სექტემბერს გახდა. შესაბამის დოკუმენტს ხელი ბრიუსელში საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა, შოთა რუსთაველის სახელობის საქართველოს ეროვნული სამეცნიერო ფონდის დირექტორმა ზვიად გაბისონიამ და ევროპული კომისიის კვლევებისა და ინოვაციების გენერალური დირექტორის მოადგილე პატრიკ ჩაილდმა მოაწერეს.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა