მამაკაცს, რომელსაც მკერდი გაეზარდა, Johnson & Johnson-ი 8 მლრდ დოლარს გადაუხდის

ფილადელფიის სასამართლომ ამერიკულ კომპანია Johnson & Johnson-ს მერილენდის მცხოვრებისთვის კომპენსაციის სახით, რვა მლრდ დოლარის გადახდა დააკისრა. ნიკოლას მიურეის განცხადებით, კომპანიამ კლიენტი არ გააფრთხილა ანტიფსიქოტური პრეპარატის Risperdal-ის გვედრითი ეფეტქების შესახებ. იუწყება გამოცემა Wall Street Journal-ი.

ნიკოლას მიურეი თავის სარჩელში ამტკიცებს, რომ ბავშვობაში 2003-2008 წლებში იღებდა პრეპარატ Risperdal-ს შიზოფრენიისა და ბიპოლარული აშლილობის სამკურნალოდ, თუმცა მედიკამენტს აღმოაჩნდა გვერდითი მოვლენები - სარძევე ჯირკვლის ქსოვილის გაზრდა. მოსარჩელის აზრით, კომპანიამ იცოდა რისკების შესახებ, მაგრამ სათანადოდ არ გააფრთხილა ექიმები, რომლებიც პაციენტებს ამ წამალს უნიშნავდნენ.

2015 წელს სასამართლომ ამ საქმესთან დაკავშირებით პირველი ვერდიქტი გამოიტანა და კომპანიას კომპენსაციის სახით 1,75 მლნ დოლარის გადახდა დააკისრა, მიგვიანებით, თანხა 680 ათას დოლარამდე შემცირდა, თუმცა მოსარჩელემ აპელაცია შეიტანა და ახალი გადაწყვეტილების თანახმად, კომპენსაციის სახით რვა მლრდ დოლარი მიიღო.

კომპანიის წარმომადგენელთა განცხადებით სასამართლოს გადაწყვეტილება გასაჩივრდება.