თეთრ სახლი მიიჩნევს, რომ ტრამპის იმპიჩმენტი უკანონოა და უარს ამბობს გამოძიებაში მონაწილეობაზე

საქართველო, თბილისი - 10:10 | 09.10.2019
ნანახია: 631

 თეთრ სახლს მიაჩნია, რომ აშშ-ის პრეზიდენტის დონალდ ტრამპის იმპიჩმენტის პროცესი უკანონოა და უარს ამბობს გამოძიებაში მონაწილეობაზე, ამის შესახებ პრეზიდენტის პრეს-მდივანმა სტეფანი გრიშემმა განაცხადა.

 „პრეზიდენტ დონალდ  ტრამპის სახელით, მისმა იურისკონსულტმა პეტ ჩიპოლონემ წერილი გაუგზავნა სპიკერ პელოსს (წარმომადგენელთა პალატის) და კონგრესის კომიტეტების თავმჯდომარეებს ენგელს, შიფსა და კამინგსს. წერილი ცხადყოფს, რომ დემოკრატების გამოძიება მოკლებულია რაიმე კონსტიტუციურ საფუძველებს, სამართლიან მიდგომასა და სამართალწარმოების გარანტიების ელემენტარულ დაცვას“, - -აღნიშნა გრიშემმა.

მისი თქმით, იმპიჩმენტის ინიციატორები „ემუქრებიან აღმასრულებელი ხელისუფლების წარმომდგენლებს სასჯელით, იმის გამო, რომ ისინი იცავენ თავიანთ კონსტიტუციურ უფლებებსა და პრეროგატივებს“.

ეს ყველაფერი, როგოც გრიშემი აღნიშნავს, არღვევს კონსტიტუცია და  სამართლიანობის უზენაესობის პრინციპს.  „ამ მიზეზებიდან გამომდინარე აღმასრულებელი ხელისუფლება მონაწილეობას არ მიიღებს ამ პოლიტიკურ თეატრში“, - აღნიშნა პრეს-მდივანმა.

წარმომადგენელთა პალატის სპიკერმა, დემოკრატმა ნენსი პელოსმა თეთრი სახლი გააფრთხილა, რომ დონალდ ტრამპის იმპიჩმენტის პროცედურის ფარგლებში ჩვენების მიცემაზე უარის თქმა, გამოძიებისთვის ხელის შეშლად შეფასდება.

სექტემბერში თეთრმა სახლმა გამოაქვეყნა ტრამპისა და ზელენსკის სატელეფონო საუბრის სტენოგრამა, რომელიც ადასტურებს, რომ აშშ-ის პრეზიდენტმა ვოლოდიმირ ზელენსკის მოსთხოვა ჯო ბაიდენის ვაჟის, ჰანტერის საქმიანობის გამოძიება, რომლიც Burisma Group-ის დირქტორთა საბჭოს წევრი იყო.

დემოკრატებმა ტრამპის წინააღმდერგ იმპიჩმენტის პროცედურა დაიწყეს. პრეზიდენტს ისინი ყოფილი ვიცე-პრეზიდენტის ჯო ბაიდენის დისკრედიტაციის მცდლობაში ადანაშაულებენ, რომელიც 2020 წლის საპრეზიდენტო არჩევნებში ტრამპის მთავარი კონკურენტია. ტრამპი ბრალდებას უარყოფს და აცხადებს, რომ კორუფციის საქმე ჩინეთმაც უნდა გამოიძიოს, საიდანაც მისი აზრით, ჰანტერ ბაიდენი ფინანსურ სარგებელს იღებდა.


პოლიტიკა



არქივი

მოგვძებნე Facebook-ზე