გურამ ჩალაგაშვილი სასამართლომ 700 ლარით დააჯარიმა

თბილისის საქალაქო სასამართლომ „გამარჯვებული საქართველოს“ ერთ-ერთი ლიდერი გურამ ჩალაგაშვილი სამართალდამრღვევად სცნო და 700 ლარით დააჯარიმა.

ბრალდების მხარემ სასამართლო პროცესზე მტკიცებულებად პოლიციის სამხრე კამერით გადაღებული ვიდეოჩანაწერი წარმოადგინა, სადაც ჩანს, თუ როგორ იგინება ბრალდებული.

„ დღევანდელი საქმე არაფერს ნიშნავს. როდესაც პოლიტპატიმრები გვყავს მხოლოდ და მხოლოდ იმის გამო, რომ საქართველო უყვართ. შეუძლებელია, დღეს რომელიმე გადაწყვეტილებას დაეთანხმოს უბრალოდ მოაზროვნე ადამიანი“, – განაცხადა გურამ ჩალაგაშვილმა.

პარტია „გამარჯვებული საქართველოს“ ერთ-ერთი ლიდერი გურამ ჩალაშვილი წვრილმანი ხულიგნობის ფაქტზე პირველ ოქტომბერს დააკავეს.