თუ არის გადამეტებული ფასების შემთხვევები ტაქსით მგზავრობისას, ყველაფერს გავაკეთებთ, რომ ეს დარეგულირდეს - კახა კალაძე

საქართველო, თბილისი - 13:03 | 08.10.2019
ნანახია: 694

საზოგადოებრივი ტრანსპორტის მოწესრიგება მოგვცემს შესაძლებლობას, რომ თბილისი ევროპულ ქალაქებშიც იქნება ერთ-ერთი წარმატებული ტრანსპორტის თვალსაზრისით , - ამის შესახებ დედაქალაქის მერმა კახა კალაძემ ჟურნალისტებს ტაქსების რეფორმაზე საუბრის დროს განაცხადა.

შეკითხვაზე, ტაქსით მგზავრობის საფასურის გაზრდა გამოწვეულია თუ არა ტაქსების რეფორმით, კახა კალაძემ აღნიშნა, რომ ამ საკითხზე კომუნიკაცია შესაბამის კომპანიებთან გაიმართა და პრობლემა აღმოფხვრილია.

„თუ არის რიგი შემთხვევები გადამეტებული ფასების, ყველაფერს გავაკეთებთ, რომ ეს იყოს დარეგულირებული“, – განაცხადა კახა კალაძემ.

მისივე თქმით, თბილისის მთავრობის ამოცანაა მიკროავტობუსების ჩანაცვლება, პროცესის დასრულების შემდეგ კი გაიზრდება მოთხოვნა საზოგადოებრივ ტრანსპორტზე.

„ჩვენი ამოცანაა მიკროავტობუსების ჩანაცვლება. დარწმუნებული ვარ, ამ პროცესის ბოლომდე მიყვანის შემდეგ გაიზრდება მოთხოვნა საზოგადოებრივ ტრანსპორტიზე, პარალელურად ხდება ტაქსების რეფორმა და მთავარი ამოცანა არის, რომ ვინც სარგებლობს ტაქსის სერვისით, მისთვის ეს იყოს კომფორტული, სუფთა, ახალი, უსაფრთხო ავტომანქანა. საბოლოო ჯამში ამან შეიძლება გამოიწვიოს ტაქსის გაძვირება და ეს ნორმალურია. თუ ვინმეს ეს პრობლემა ექნება, იქნება ავტობუსები, იქნება მეტრო, რეაბილიტირებული ახალი ვაგონებით. ეს რთული პროცესი ჩვენ დაწყებული გვაქვს“, – განაცხადა კახა კალაძემ.

 


პოლიტიკა



არქივი

მოგვძებნე Facebook-ზე