უკრაინის პროკურატურამ მიხეილ სააკაშვილის გატაცებისა და ქვეყნიდან გაძევების საქმეზე გამოძიება დაიწყო

საქართველო, თბილისი - 12:39 | 07.10.2019
ნანახია: 947

უკრაინის პროკურატურამ საქართველოს ყოფილი პრეზიდენტის განცხადების საფუძველზე მისი გატაცებისა და 2018 წლის 18 თებერვალს პოლონეთის საზღვარზე უკანონოდ გადაყვანის საქმეზე გამოძიება დაიწყო. ამის შესახებ უწყების ფეისბუქის“ გვერდზე განთავსებულ განცხადებაშია ნათქვამი.

მანამდე სააკაშვილი აცხადებდა, რომ უკრაინის გენერალურ პროკურატურაში შეიტანდა განცხადებას მისი გატაცებისა და უკრაინის ყოფილი პრეზიდენტის პეტრო პოროშენკოს პირადი ბრძანებით, ქვეყნიდან უკანონოდ გაძევების შესახებ.

სააკაშვილი პოროშენკომ ოდესის ოლქის გუბერნატორად 2015 წლის გაზაფხულზე დანიშნა.

თუმცა 2016 წლის ნოემბერში პოროშენკომ სააკააშვილი პოსტიდან გაათავისუფლა და განაცხადა, რომ მან არათუ არ შეასრულა რეგიონის განვითარების შესახებ მიცემული დაპირება, არამედ სერიოზულად გააუარესა ოლქის ეკონომიკური მაჩვენებლები. 2017 წლის ივლისის ბოლოს პოროშენკომ სააკაშვილს უკრაინის მოქალაქეობა ჩამოართვა.

2018 წლის თებერვალში უკრაინის ხელისუფლებამ სააკაშვილი პოლონეთში გააძევა. უკრაინის ახალმა პრეზიდენტმა ვოლოდიმირ ზელენსკიმ 28 მაისს მიხეილ სააკაშვილს მოქალაქეობა აღუდგინა, რის შემდეგაც ის უკრაინაში დაბრუნდა.  

 


პოლიტიკა



არქივი

მოგვძებნე Facebook-ზე