ნიკოლოზ ბასილაშვილი პეკინის საერთაშორისო ტურნირს გამოეთიშა და ლაივ-კლასიფიკაციაში 26-ე ადგილზე ჩამოქვეითდა

საქართველო, თბილისი - 15:21 | 03.10.2019
ნანახია: 279

27 წლის ქართველი ჩოგბურთელი ნიკოლოზ ბასილაშვილი ჩინეთის დედაქალაქ პეკინში მიმდინარე საერთაშორისო ტურნირს (საპრიზო ფონდი 3 666 275 დოლარი) მერვედფინალში გამოეთიშა და შარშან ჩემპიონობის ხარჯზე გამომუშავებული 500 სარეიტინგო ქულის დაცვა ვერ მოახერხა.

ნიკამ ჩინეთის ღია პირველობის საწყის რაუნდში არგენტინელი გუიდო პელა 6:4, 7:6 (7:3) დაამარცხა, დღეს კი, მე-3 ნომრად განთესილ ბერძენ სტეფანოს ციციპასთან 6:4, 3:6, 2:6 წააგო.

ამ წარუმატებლობის გამო, ბასილაშვილი ახალ რეიტინგში , რომელიც ორშაბათს გამოქვეყნდება, ტოპ-ოცეულის მიღმა აღმოჩნდება. საქართველოს პირველ ჩოგანს რეიტინგში ერთბაშად 455 ქულა მოაკლდა და ლაივ-კლასიფიკაციაში 26-ე ადგილზე ჩამოქვეითდა.




არქივი

მოგვძებნე Facebook-ზე