ელისაბედ მეორის შვილიშვილი, პრინცესა ბეატრისი დაინიშნა

საქართველო, თბილისი - 15:35 | 26.09.2019
ნანახია: 131

დიდი ბრიტანეთის ელისაბედ მეორის შვილიშვილი, 31 წლის პრინცესა ბეატრისი და მისი საქმრო 35 წლის ედოარდო მაპელი მოცი დაინიშნენ.

ბეატრისი დედოფლის შუათანა ვაჟის, პრინც ენდრიუს ქალიშვილია. 18 მაისს მთელი ქვეყანა უყურებდა პირდაპირ ეთერს მისი უმცროსი დის, პრინცესა ეჟენის ქორწილიდან.

 „იორკის ჰერცოგი და ჰერცოგინია მოხარულნი არიან განაცხადონ პრინცესა ბეატრისისა და ბატონ ედოარდო მაპელი მოცის ნიშნობის შესახებ. მის სამეფო უმაღლესობას ბატონი მაპელი მოციმ ნიშნობის ბეჭედი სექტემბერში, იტალიაში აჩუქა, ედომ ბეჭდის დიზაინი ბრიტანელ იუველირთან შონ ლინთან ერთად შექმნა. ქორწილი 2020 წელს შედგება. დამატებითი დეტალების შესახებ მოგვიანებით გახდება ცნობილი“, - ნათქვამია იორკის ჰერცოგის განცხადებაში.

მილიონერი მოცი უძრავი ქონების სფეროში ბიზნესით არის დაკავებული. წინა ქორწინებიდან მას ორი წლის ვაჟი ჰყავს.

 




არქივი

მოგვძებნე Facebook-ზე