„სამეფო კარის თამაშები“ Emmy-ზე საუკეთესო დრამატულ სერიალად აღიარეს

საქართველო, თბილისი - 10:28 | 23.09.2019
ნანახია: 171

„სამეფო კარის თამაშები“ ნომინაციაში საუკეთესო დრამატული სერიალი Emmy-ის გამარჯვებული გახდა.

ამავე ნომინაციაში პრიზის მოსაპოვებლად ასევე იბრძოდნენ სერიალები: „სჯობს, დაურეკოთ სოლის“, „ევას მკვლელობისას“, „ოზარკი“, „პირადი მცველი“, „პოზა“, „მემკვიდრეები“ და „ეს ჩვენ ვართ“.

 „ემის“ ქანდაკების მფლობელი მამკაცის საუკეთესო როლისთვის დრამატულ სერიალში გახდა ბილი პორტერი სერიალ „პოზასთვის“. ანალოგიური ჯილდო ქალის როლის საუკეთესო შესრულებისთვის მიიღო ჯუდი კომერმა სერიალ „ევას მკვლელობისასთვის“.

პიტერ დინკლეიჯს გადაეცეა ჯილდო  „საუკეთესო მეორხარისხოვანი როლის შემსრულებელი დრამატული მსახიობი კაცის  ნომინაციაში“ სერიალ „სამეფო კარის თამაშებისთვის“, ამავე ნომინაციაში, საუკეთესო მსახიობი ქალი გახდა ჯულია გარნერი სერიალ „ოზარკიდან“.

 „სამეფო კარის თამაშებმა“ „ემის“ დაჯილდოებაზე ნომინაციების რეკორდული რაოდენობა მიიღო, და ამ მხრივ 25 წლის წინ დამყარებული რეკორდი მოხსნა.

სერიალის ფინალური სეზონი აპრილში გამოვიდა. მერვე სეზონის თითოეული სერია საშუალოდ 44,2-მა მილიონმა მაყურებელმა ნახა.

 „ემი“ ამერიკული სატელევიზიო პრემიაა, რომელიც „ოსკარის“ „გრემის“ და პრემია „ტონის“ სატელევიზო ექვივალენტად მიიჩნევა. პრემიების გადაცემა 1946 წელს სატელევიზიო ხელოვნებისა და მეცნიერების აკადემიამ დააფუძნა.

 




არქივი

მოგვძებნე Facebook-ზე