ანაკლიის ღრმაწყლოვან პორტს სჭირდება პასუხისმგებლიანი და სერიოზული კერძო ინვესტორები, რომლებიც არ გვყავს - გიორგი გახარია

საქართველო, თბილისი - 13:08 | 16.09.2019
ნანახია: 215

"ბევრ საოცარ რამეს ამბობს ხოლმე, ბატონი ხაზარაძე, წერილი, ოქმი... მოიტანოს, გვანახოს ეს ოქმი", - ასე გამოეხმაურა საქართველოს პრემიერ-მინისტრი გიორგი გახარია "თიბისი ბანკის" დამფუძნებლის მამუკა ხაზარაძის მორიგ ბრალდებას.

"მინდა ხაზგასმით აღვნიშნო, რომ არ არის კარგი როცა ქვეყნისთვის მნიშვნელოვანი სატრატეგიული პროექტი ხდება პოლიტიკური ჭორაობის და სპეკულირების საგანი.

ჩვენ ყოველთვის ვამბობდით და კიდევ გავიმეორებთ, ანაკლია არ ეკუთვნის არცერთ ფიზიკურ პირს. ანაკლია, როგორც პროექტი, ღრმაწყოლოვანი პორტი, ეკუთვნის ქვეყნის განვითარებას. შესაბამისად, ყველა ცოტა უფრო პასუხისმგებლიანად უნდა მოექცეს ქვეყნისთვის მნიშვნელოვან პროექტებს.

ანაკლიის პორტთან დაკავშირებით, ყოველთვის ვამბობდი, ის რომ წარმატებით განხორციელდეს, მას სჭირდება პასუხისმგებლიანი და სერიოზული ინვესტორები. რაც შეეხება ვიღაცის ინტერესებს, რა შეიძლება ამაზე ვთქვა, ჩვენ ვამბობთ, სახელმწიფო ყველა თავის ვალდებულებას ასრულებდა და შეასრულებს, ანაკლიის ღრმაწყლოვან პორტს სჭირდება პასუხისმგებლიანი და სერიოზული კერძო ინვესტორები, რომლებიც სამწუხაროდ არ გვყავს.

ეს არის ანაკლიის ღრმაწყლოვანი პორტის პრობლემა. სახელმწიფო უჭერდა და დაუჭერს მხარს". განაცხადა გიორგი გახარიამ.

შეგახსენებთ, რომ საზოგადოებრივი მოძრაობა „ლელოს“ ხელმძღვანელმა, „თიბისი ბანკის“ დამფუძნებელმა მამუკა ხაზარაძემ გუშინ, "მთავარი არხის" პირდაპირ ეთერში განაცხადა, რომ ინფრასტრუქტურის მინისტრმა, მაია ცქიტიშვილმა უარი უთხრა ბრიტანელ ინვესტორებს ანაკლიის პორტის მშენებლობის დაფინანსებაზე და რომ ხელისუფლებას არ სურს ამ პროექტის განხორციელება.




არქივი

მოგვძებნე Facebook-ზე