ბრედ პიტს ახალი ტატუ აქვს, რომელიც ანჯელინა ჯოლის ეძღვნება

55 წლის ბრედ პიტი ვენეციის კინოფესტივალზე იმყოფება. ის ჟურნალისტებმა  ქუჩაში შენიშნეს. მსახიობს ჩვეულებრივი ნაცრისფერი მაისური ემოსა და და დაახლოებით ამავე ფერის შარვალი ეცვა. ამაში უჩვეულო არაფერი იყო, თუმცა ერთმა დეტალმა მედიის ყურადღება მიიპყრო.

მცხუნვარე ვენეციური მზისგან დასაცავად ბრედს თავზე ნაცრისფერი კეპი ეხურა. ხელზე კი რამდენიმე სამაჯური და საათი ეკეთა. უჩვეულო ამაშიც არაფერია. მაგრამ ჟურნალისტების თვალს არ გამოპარვია ხელის შიდა მხარეს ახალი სვირინგი, ის გამოსახავს ადამიანს, რომელიც თავის ჩრდილს მისჩერებია.

ეს ნახატი იმ ტატუს გაგრძელებაა, რომელიც ბრედის ხელზე ანჯელინასთან განშორებამდე ცოტა ხნით ადრე გამოჩნდა. მსახიობმა სხეულზე დაიტანა სპარსი პოეტის ჯალალედინ რუმის ლექსიდან ამონარიდი, რომელიც ანჯელინა ჯოლის მიუძღვნა. ასეთივე სვირინგი, იგივე ტექსტით გაიკეთა ანჯელინა ჯოლიმაც. ასე, რომ მედიის წარმომადგენლებს თავსატეხი ისევ გაუჩნდათ. ეს ყოველივე ნიშნავს თუ არა იმას, რომ ბრედი და ანჯელინა შერიგდებიან? პასუხს დრო გასცემს, - ასკვნიან ჟურნალისტები